ម៉ូតូរបស់តួឯករឿង Jurassic World ផលិតតែ៣គ្រឿងក្នុងលោក នឹងដាក់ដេញថ្លៃស្អែកនេះ

2015-07-22 21:39:14
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រិយមិត្តដែលធ្លាប់បានទស្សនាខ្សែភាពយន្តដៃណូស័រ Jurassic World ប្រាកដជាប្រទះឃើញរូបរាងដ៏ស្រស់ស្អាតរបស់ម៉ូតូ ដែលតួឯកប្រុស Chris Pratt ជិះមិនខាន។ ម៉ូតូនេះគឺនឹងត្រូវដាក់ដេញថ្លៃលើវិបសាយ eBay នាថ្ងៃព្រហស្បតិ៍ស្អែកនេះហើយ។

ម៉ូតូដែលបានដាក់ដេញថ្លៃនោះមានឈ្មោះថា Triumph Scrambler ហើយមានផលិតតែបីគ្រឿងប៉ុណ្ណោះយកមកថតរឿង Jurassic World។ នេះបើយោងតាមគេហទំព័របរទេស Auto.ndtv។ ឥឡូវនេះម៉ូតូទាំងបីគ្រឿងនេះ គឺមួយដាក់ដេញថ្លៃលក់ មួយគ្រឿងប្រគល់ទៅឲ្យ Chris Pratt និងមួយគ្រឿងផ្សេងទៀតគឺដាក់តាំងនៅឯសារមន្ទីរ។

ម៉ូតូ Triumph Scrambler នេះជាម៉ូដែល Bonneville ផលិតឡើងនាឆ្នាំ២០០៦ ដោយរោងចក្រ Triumph Engineering ដែលមានការរចនារូបរាងយ៉ាងស្រស់ស្អាត។ វាបំពាក់ដោយម៉ាស៊ីនពីរ កម្លាំង៨៦៥ CC។ ទំហំនៃម៉ូតូនេះគឺប្រវែង២២១៣mm ទទឹងទទឹង៨៦០mm និងកម្ពស់ ១២០២ mm។

ការដេញថ្លៃនឹងមានរយៈពេល១០ថ្ងៃ គិតចាប់ពីថ្ងៃទី២៣ ខែកក្កដានេះ ហើយទឹកប្រាក់ដែលទទួលបានពីការដេញថ្លៃនេះនឹងត្រូវប្រើប្រាស់ក្នុងយុទ្ធនាការប្រយុទ្ធប្រឆាំងជំងឺមហារីកក្រពេញប្រូស្តាត។