អង្គការណាសាប្រទះឃើញភពថ្មី កំពុងកក្រើកដល់ពិភពលោក

2015-07-24 16:50:01
ចំនួនមតិ 0 | ចំនួនចែករំលែក 0

ចន្លោះមិនឃើញ

អង្គការណាសាបានប្រកាសព័ត៌មានដ៏គួរឲ្យភ្ញាក់ផ្អើលមួយសម្រាប់ឆ្នាំ២០១៥នេះ នោះគឺការប្រទះឃើញនូវភពដែលមានលក្ខណៈស្រដៀងគ្នាទៅនឹងភពផែនដីក្នុងដំណើរស្វែងរករបស់ខ្លួន។ នេះបើយោងតាមសារព័ត៌មានអង់គ្លេស Daily Mail។

ភពដែលត្រូវបានគេសន្និដ្ឋានថាជាភពកូនភ្លោះ ដោយសារតែមានលក្ខណៈស្រដៀងគ្នាជាមួយនឹងភពផែនដីយើងនេះមានឈ្មោះថា Kepler 452b។ ភព Kepler 452b នេះមានទំហំធំជាងភពផែនដី ៦០ភាគរយ និងចំណាយពេល៣៨៥ថ្ងៃ ដើម្បីរង្វិលជុំលើគន្លងគោចរ គឺយូរជាងផែនដី២០ថ្ងៃ ហើយវាស្ថិតនៅរយៈចម្ងាយ១៤០០ឆ្នាំពន្លឺពីភពផែនដី។ ចំពោះព្រះអាទិត្យរបស់ភព Kepler 452b មានឈ្មោះថា Kepler 452 ដែលវាមានអាយុកាល ៦ពាន់លានឆ្នាំ ចាស់ជាងព្រះអាទិត្យនៃភពផែនដី ១,៥ពាន់លានឆ្នាំ។ ចំណែកឯសីតុណ្ហភាពរបស់ Kepler 452 វិញគឺដូចគ្នានឹងព្រះអាទិត្យយើងដែរ ប៉ុន្តែមានពន្លឺភ្លឺជាង២០ភាគរយ និងមានអង្កត់ផ្ចិតធំជាង១០ភាគរយ។

លោក Daniel Brown អ្នកជំនាញខាងតារាវិទ្យានៃសកលវិទ្យាល័យ Nottingham Trent បានឲ្យដឹងថា Kepler 452b ទទួលពន្លឺដែលមានអាំងតង់ស៊ីតេដូចគ្នាទៅនឹងភពផែនដី។ នេះមានន័យថា រុក្ខជាតិដែលមាននៅលើផែនដី គឺអាចដុះនៅទីនោះបាន ប្រសិនបើនៅលើភពនោះមានពាសពេញដោយដុំថ្ម។ ឥឡូវគេកំពុងតែសិក្សាថាតើវាជាប្រភេទថ្មី ឬជាអ្វីនៅឡើយ។

អ្នកវិទ្យាសាស្ត្រនៅមិនទាន់អាចផ្ដល់ចម្លើយបានទេថា ភព Kepler 452b នេះអាចនឹងទ្រទ្រង់ជីវិតរបស់មនុស្សបានយ៉ាងណា ព្រោះគេត្រូវសិក្សាពីបរិយាកាសនៅលើភពថ្មីនេះឲ្យបានច្បាស់ជាមុនសិន។

-ចុចអាន៖ ម៉ូតូរបស់តួឯករឿង Jurassic World ផលិតតែ៣គ្រឿងក្នុងលោក នឹងដាក់ដេញថ្លៃស្អែកនេះ ប្រែសម្រួល៖ ហៃ សុខហេង ប្រភព៖ dailymail