ទូរសព្ទ Android ជិត១ពាន់លានគ្រឿងនឹងងាយ Hack ដោយប្រើសារតែមួយ

2015-07-28 17:29:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមស្រាវជ្រាវផ្នែកសុវត្ថិភាពទូរសព្ទរបស់ក្រុមហ៊ុន zimperium បានរកឃើញនូវកំហុសឆ្គងមួយដែលអាចបង្កឲ្យទូរសព្ទដំណើរការដោយប្រព័ន្ធប្រតិបត្តិការ Android ប្រមាណជា ៩៥ % ស្មើទៅនឹង ៩៥០ លានគ្រឿងងាយទទួលរងការវាយប្រហារពី Hacker។

កំហុសឆ្គងនោះគឺស្ថិតនៅក្នុង File bug ឈ្មោះថា Stagefright ក្នុង Android។ ដូច្នេះវាងាយដល់ក្រុម Hacker ធ្វើការ Hack ដោយពួកគេគ្រាន់តែផ្ញើសារ MMS ដែលផ្ទុកនូវកូដតែមួយតែប៉ុណ្ណោះ។ ចំពោះប្រព័ន្ធប្រតិបត្តិការដែលប៉ះពាល់មានលើ Android ជំនាន់ 2.2 ឡើង។ Hacker អាច Hack ចូលទៅលួចយក និង បំផ្លាញទិន្នន័យ, រួបភាព ឬ ដំណើរការ Microphone, កាមេរ៉ា តន្ត្រី, វីដេអូ និង Bluetooth។

មិនត្រឹមតែប៉ុណ្ណោះ Hacker អាចលុបសារដែលផ្ញើរចូលខណៈដែលអ្នកប្រើប្រាស់ពុំបានដឹងថែមទៀតផង។ នេះបើតាមការឲ្យដឹងពីលោក Joshua Drake ដែលជាអនុប្រធានការស្រាវជ្រាវ និង ជាអ្នកដែលបានពិសោធន៍ផ្ទាល់នៅបន្ទប់ពិសោធន៍របស់ក្រុមហ៊ុន Zimperium។

ខាងក្រោមនេះគឺជារូបភាព Screenshots ដែលបង្ហាញពីដំណើការនៃសាររបស់ Hacker បានផ្ញើរចូល Smartphone ដែលដំណើរការដោយ Android Lollipop 5.1.1៖

ដូច្នេះក្រុមអ្នកស្រាវជ្រាវបានហាមទៅដល់អ្នកប្រើប្រាស់ឲ្យមានការប្រុងប្រយ័ត្នទៅលើលេខទូរសព្ទផ្ទាល់ខ្លួនរបស់ពួកគេ ព្រោះវានឹងអាចបង្កផលអាក្រក់ប្រសិនបើ Hacker ដឹងលេខទាំងនោះ៕

អានបន្ត៖ Hacker បានវាយប្រហារអាមេរិកលួចយកជាង ២១ លានទិន្នន័យសម្ងាត់

ប្រែសម្រួល៖ សំនៀង ប្រភព៖ pix11