រដ្ឋមន្ត្រីក្រសួងអប់រំ កុំឲ្យសិស្សជឿលង់ខ្លួនអស់លុយទិញវិញ្ញាសា
- 2015-07-28 20:35:04
- ចំនួនមតិ 0 | ចំនួនចែករំលែក 0
រដ្ឋមន្ត្រីក្រសួងអប់រំ កុំឲ្យសិស្សជឿលង់ខ្លួនអស់លុយទិញវិញ្ញាសា
ចន្លោះមិនឃើញ
លោក ហង់ ជួនណារ៉ុន រដ្ឋមន្ត្រីក្រសួងអប់រំយុវជននិងកីឡា បានក្រើនរំលឹកសិស្សដែលត្រូវត្រៀមប្រលងបាក់ឌុបឆ្នាំនេះថា កុំឲ្យជឿវិញ្ញាសាបែកធ្លាយហើយលង់ខ្លួនបង់ប្រាក់ទៅទិញ ដែលនេះគ្រាន់ជាការបន្លំ ភូតកុហកប៉ុណ្ណោះ។
កន្លងមក តែងតែមានការលេចលឺឥតដាច់ពីការបែកធ្លាយវិញ្ញាសាថាត្រូវ១០០% ធ្វើឲ្យសិស្សជ្រួលជ្រើមយកលុយជាថ្នូរដើម្បីបានវិញ្ញាសានោះមកទុកបើកចាក់ពេលប្រឡង។
រដ្ឋមន្ត្រីក្រសួងអប់រំយុវជននិងកីឡាបញ្ជាក់ថា វិញ្ញាសាមិនអាចធ្លាយបានទេ ព្រោះតាមពិតវិញ្ញាសាមិនទាន់សម្រេចថាចេញបែបណាឡើយ ដូច្នេះជាការបន្លំឬភូតកុហកទាំងស្រុង។ ម្ល៉ោះហើយសិស្សមិនត្រូវជឿល្បិចបោកប្រាស់របស់ជនឆ្លៀតឱកាសមួយចំនួនដើម្បីផលចំណេញផ្ទាល់ខ្លួនឡើយ។
យ៉ាងណាលោកថា មិនទាន់អាចប៉ាន់ស្មានបានថាអ្នកជាប់ឆ្នាំនេះអាចតិចឬច្រើនជាងឆ្នាំមុននោះទេ ប៉ុន្តែលោកសង្កេតឃើញសិស្សខំប្រឹងខ្លាំងជាងឆ្នាំមុន។ ការប្រឡងសញ្ញាបត្រមធ្យមសិក្សាទុតិយភូមិចំណេះទូទៅនិងបំពេញវិជ្ជាប្រព្រឹត្តនៅថ្ងៃ២៤ សីហា ២០១៥ រីឯការប្រកាសលទ្ធផលនឹងធ្វើឡើងនៅតាមមណ្ឌលប្រឡងនីមួយៗនៅរសៀលថ្ងៃទី ១៥ កញ្ញា ២០១៥ សម្រាប់មណ្ឌលប្រឡងនៅរាជធានីភ្នំពេញនិងខេត្តកណ្ដាល ចំណែកថ្ងៃទី១៦សម្រាប់មណ្ឌលនៅខេត្តផ្សេងៗទៀត៕
សូមអាន ៖ ១០សំណួរក្ដៅ ស្រាយចម្ងល់ការប្រឡងបាក់ឌុបឆ្នាំនេះ អត្ថបទ៖ លឹម សុនា