Miley Cyrus បង្ហោះរូបស្រាតមិនឈប់ មិនខ្វល់គេហៅមនុស្សឆ្កួត

2014-10-14 16:57:31
ចំនួនមតិ 0 | ចំនួនចែករំលែក 0

ចន្លោះមិនឃើញ

ខណៈដែលទស្សនិកជនជាច្រើនបានរិះគន់ចំពោះកាយវិការមិនសមរម្យរបស់ខ្លួន តារាចម្រៀងប៉ុបអាមេរិក Miley Cyrus បាននិយាយថា នាងមិនខ្វល់រឿងអ្នកដទៃហៅនាងមនុស្សឆ្កួតនោះទេ ព្រោះនាងអីចឹងមែន។

តារាចម្រៀងសិចស៊ីវ័យ ២១ឆ្នាំរូបនេះ បាននិយាយដូច្នេះ នៅពេលចូលសម្ដែងក្នុងកម្មវិធី "Sunrise” នៅទីលាន Sydney Opera House ប្រទេសអូស្ត្រាលីកាលពីថ្ងៃទី ១៣ ខែតុលា ម្សិលមិញ។ នៅមុខអ្នកគាំទ្ររាប់រយនាក់ តារាចម្រៀងរូបនេះបានច្រៀងបទ "Wrecking Ball” និងបទល្បីៗមួយចំនួនទៀត និងបានឆ្លើយតបនឹងសំណួរមួយចំនួនរបស់ពិធីករទាក់ទងនឹងឥរិយាបថប្លែកៗរបស់នាងនាពេលបច្ចុប្បន្ន។

នៅពេលសួរថាហេតុអ្វីបានជានាងធ្វើចរិតប្លែកពីតារាចម្រៀងដទៃខ្លាំងម្ល៉េះ Miley បាននិយាយថា "ខ្ញុំបានសម្រេចចិត្តមួយឆ្នាំហើយ ថាគោលដៅក្នុងមួយជីវិតរបស់ខ្ញុំគឺត្រូវតែសប្បាយរហូត … ខ្ញុំមិនខឹងទេពេលអ្នកដទៃហៅខ្ញុំថាមនុស្សឆ្កួត ព្រោះខ្ញុំអីចឹងមែន … បើសិនខ្ញុំមិនមែនជាអ្នកចម្រៀងទេ ខ្ញុំប្រហែលជាចាប់អាជីពជាអ្នកកំប្លែងហើយ"។ ម្ចាស់បទ "Adore You” រូបនេះបាននិយាយទៀតថា នាងគិតថានាងធំហើយ នាងមិនគិតថាលុយ និងកេរ្តិ៍ឈ្មោះជាអ្វីគ្រប់យ៉ាងនោះទេ។ នាងចូលចិត្តធ្វើអ្វីស្មោះត្រង់នឹងខ្លួនឯង។

កាលពីថ្ងៃទី១០ ខែតុលា គេឃើញតារាចម្រៀងរូបនេះ ដោះអាវស្លៀកតែខោខ្លីតូចមួយនៅខាងក្រៅបន្ទប់សណ្ឋាគាររបស់ខ្លួន នៅទីក្រុងស៊ីដនី ប្រទេសអូស្ត្រាលី ហើយក្រោយមកនាងក៏បានបង្ហោះរូបដោះអាវ និងរូបដេកស្រាតខោនៅលើ Instargram ៕

អានអត្ថបទ៖ យុវជនឡើងទទួលពានជាមួយ Miley Cyrus ត្រូវកាត់ទោសឲ្យជាប់គុក ៦ខែ