តារាស្រី ៣ រូប ជួបរឿងស្មានមិនដល់ក្នុងខែកក្កដានេះ

2015-07-31 00:18:24
ចំនួនមតិ 0 | ចំនួនចែករំលែក 0

ចន្លោះមិនឃើញ

មានការកត់សម្គាល់ឃើញថា យ៉ាងហោចណាស់មានតារាស្រី ៣ រូប បានជួបរឿងរ៉ាវស្មានមិនដល់ក្នុងជីវិតសិល្បៈរបស់ពួកគេ សម្រាប់ខែកក្កដាកន្លងទៅនេះ។ បញ្ហាទាំងនោះ កំពុងតតាំងគ្នាតាមផ្លូវតុលាការក៏មានដែរ។ តើមានតារាស្រីរូបណាខ្លះ?

១. សាសា៖ ត្រូវឧកញ៉ា សុខ ប៊ុន វាយតប់យ៉ាងដំណំកាលពីរាត្រីថ្ងៃទី ២ ខែកក្កដាកន្លងទៅ ដោយមានរបួសត្រង់ភ្នែក ត្រចៀកខាងឆ្វេង និង ជង្គង់ជាដើម។ សព្វថ្ងៃតុលាការកំពុងចាត់ការទៅតាមនីតិវិធីច្បាប់ ខណៈសាសា ក៏កំពុងព្យាបាលត្រចៀកខាងឆ្វេង ដែលស្ដាប់មិនសូវលឺ ក្រោយជួបរឿងរ៉ាវអំពើហិង្សា។

២. ទេព បូព្រឹក្ស៖ នៅអំឡុងពាក់កណ្ដាលខែកក្កដាកន្លងទៅនេះ ទេព បូព្រឹក្ស ត្រូវបានជនអនាមិកបង្ហោះរូបអាក្រាតកាយផ្អើលពេញបណ្ដាញសង្គម។ ទោះបីជាយ៉ាងណា តារាចម្រៀងស្រីរូបនេះ បានធ្វើការបដិសេធភ្លាមៗថា មិនមែនជារូបពិតនោះទេ និងបានព្រមានប្ដឹងអ្នកប្រព្រឹត្តរឿងនេះទៀតផង ប្រសិនបើបានដឹងការពិត។

៣. ហេង ស្រីពេជ្រ៖ ឪពុកម្ដាយរបស់តារាសម្ដែងរូបនេះ បានជួបគ្រោះថ្នាក់ចរាចរណ៍ កាលពីពេលថ្មីៗ គ្រាដែលពួកគាត់ធ្វើដំណើរតាមដងផ្លូវជាតិលេខ ៥ បណ្ដាលឱ្យម្ដាយរបស់នាងមានរបួសស្រាល ចំណែកឪពុកមានរបួសធ្ងន់ធ្ងរ សព្វថ្ងៃកំពុងសម្រាកព្យាបាលនៅមន្ទីរពេទ្យកាល់ម៉ែត្រនៅឡើយ៕