Alves៖ Barcelona អាចវាយបក យកឈ្នះ Bilbao បាននៅជើងទី២
- 2015-08-16 22:26:28
- ចំនួនមតិ 0 | ចំនួនចែករំលែក 0
Alves៖ Barcelona អាចវាយបក យកឈ្នះ Bilbao បាននៅជើងទី២
ចន្លោះមិនឃើញ
ខ្សែការពារ Dani Alves របស់ក្រុម FC Barcelona ជឿជាក់ថា ក្រុមអ្នកមានបុណ្យ នឹងអាចវាយបកយកឈ្នះ Athletic Bilbao នៅជើងទី២ នាកីឡដ្ឋាន Camp Nou បានវិញ បន្ទាប់ពីចាញ់យ៉ាងធ្ងន់ធ្ងរ ៤-០ ប្រកួតជើងទី១ ពានរង្វាន់ Spanish Super Cup កាលពីយប់ថ្ងៃសុក្រ។
Dani Alves (ខាងឆ្វេង)
Alves លើកឡើងថា ក្រុមរបស់លោក Luis Enrique ត្រូវតែវាយបកយកឈ្នះវិញ នៅមុខទស្សនិកជនអ្នកគាំទ្ររបស់ខ្លួននៅជើងទី២ ទឹកដីខ្លួនឯង និងដើម្បីលើកពានរង្វាន់។
កីឡាករប្រេស៊ីល វ័យ៣២ឆ្នាំ ដែលទើបតែបន្តកុងត្រាជាមួយក្លិប កាលពីខែមិថុនារូបនេះ បាននិយាយថា៖ "យើងនឹងព្យាយាមវាយបកវិញ យើងនឹងបន្លឺសំឡេងនៅទឹកដីខ្លួនឯង។ ៩០នាទីនៅ Camp Nou គឺគ្រប់គ្រាន់ សម្រាប់ពួកយើងយកឈ្នះវិញ។ យើងត្រូវធ្វើឲ្យប្រសើរ គ្រប់យ៉ាងឡើងវិញ។ វាមិនមែនជារឿងធម្មតាទេ ដែលរបូត៨គ្រាប់ ២ប្រកួតចុងក្រោយ ដូច្នេះយើងនឹងកែប្រែចំណុចខ្វះខាតទាំងនេះ និងត្រូវរក្សាការឈ្នះឡើងវិញ"។
Barca ដែលលើកពាន៣រដូវកាលមុន មានបំណងចង់លើកពានទាំង៦នៅឆ្នាំ២០១៥នេះ បន្ទាប់ពីលើកពាន Uefa Super Cup ពាក់កណ្ដាលសប្ដាហ៍មុន១ទៀត ប៉ុន្តែបែរជាភ្លាត់ឲ្យ Bilbao លត់ ៤-០ ទាំងមិនគួរឲ្យជឿ កាលថ្ងៃសុក្រ។ សម្រាប់ការប្រកួតជើងទី២ នាកីឡដ្ឋាន Camp Nou នឹងត្រូវធ្វើឡើងនៅថ្ងៃចន្ទស្អែកនេះ (ព្រឹកថ្ងៃអង្គារនៅកម្ពុជា)៕
ចុះប្រិយមិត្តជឿថា Barca អាចវាយបកយកឈ្នះវិញ ដូច Alves លើកឡើងដែរទេ?
-ចុចអាន៖ Barcelona ចុកឈាម ក្រោយចាញ់ Bilbao ៤-០ យប់មិញ
ប្រែសម្រួល៖ វិន ជីវ័ន្ត ប្រភព៖ goal