អ្នកស្លាប់ដោយខ្យល់ព្យុះ Hudhud នៅឥណ្ឌា កើនឡើង២៤នាក់
- 2014-10-14 23:46:42
- ចំនួនមតិ 0 | ចំនួនចែករំលែក 0
អ្នកស្លាប់ដោយខ្យល់ព្យុះ Hudhud នៅឥណ្ឌា កើនឡើង២៤នាក់
ចន្លោះមិនឃើញ
អាជ្ញាធរឥណ្ឌាបានឱ្យដឹងថា មកទល់ពេលនេះចំនួនអ្នកស្លាប់ ដោយសារខ្យល់ព្យុះស៊ីក្លូន Hudhud ក្នុងរដ្ឋ Andhra Pradesh និង Orissa កើនឡើងចំនួន២៤នាក់ហើយ។ អាជ្ញាធររដ្ឋទាំងពីរនេះ កំពុងតែបង្កើនការខំប្រឹងប្រែង ដើម្បីផ្ដល់ជំនួយដល់ជនរងគ្រោះ ៤០០ ០០០នាក់។
ព្យុះកំណាច Hudhud បានធ្វើឱ្យខូចខាតផ្ទះសម្បែង ដួលដើមឈើ ដួលបង្គោលអគ្គិសនី បិទផ្លូវ និងបំផ្លាញដំណាំជាច្រើនក្នុងរដ្ឋទាំងនេះ។
ជុំវិញបញ្ហានេះ ក្រុមអ្នកសង្គ្រោះនិងទាហាន បានចាប់ផ្ដើមដកដើមឈើ ដែលដួលលើផ្លូវ ដាំបង្គោលអគ្គិសនី ទូរគមនាគមន៍ និងយកកម្ទេចកំទីចេញពី ក្នុងទីក្រុង Visakhapatnam រដ្ឋ Andhra Pradesh។
ក្នុងសេចក្ដីថ្លែងមួយរបស់ក្រសួងការងារបានឱ្យដឹងថា កងកម្លាំងកំពុងតែប្រើយន្តហោះ និងឧទ្ធម្ភាគចក្រ ដើម្បីចែកចាយកញ្ចប់អាហារដល់ប្រជាជនជុំវិញទីក្រុង។
ខ្យល់ព្យុះស៊ីក្លូន Hudhud បានបោកបក់មកលើរដ្ឋ Andhra Pradesh និង Orissa កាលពីថ្ងៃអាទិត្យ ហើយមកដល់ពេលនេះមនុស្ស២៤នាក់ ត្រូវបានសម្លាប់ មនុស្សច្រើននាក់ទៀតរងរបួស ហើយផ្ទះសម្បែងច្រើនជាង៦៥០០ខ្នង រងការខូចខាត៕
-១០កន្លែងដែលខ្មោចលងសាហាវបំផុតនៅអាស៊ី
-មានអ្វីប្លែក រូបភាពថ្មីនៃ គីម ជុងអ៊ុន ក្រោយបាត់ខ្លួន៤០ថ្ងៃ?
ប្រែសម្រួល៖ អ៊ុំ សុភក្តិ ប្រភព៖ bbc