Enrique ថា Barca នៅមានឱកាសវាយបកយកឈ្នះ Bilbao វិញយប់នេះ
- 2015-08-17 21:10:27
- ចំនួនមតិ 0 | ចំនួនចែករំលែក 0
Enrique ថា Barca នៅមានឱកាសវាយបកយកឈ្នះ Bilbao វិញយប់នេះ
ចន្លោះមិនឃើញ
អ្នកចាត់ការ Luis Enrique របស់ក្រុម FC Barcelona យល់ថាក្រុមរបស់លោក នៅមានឱកាសវាយបកយកឈ្នះ Athletic Bilbao វិញនៅយប់នេះ បើសិនក្រុមធ្វើបានល្អគ្រប់យ៉ាង ខណៈដែលកីឡាកររបស់លោក ត្រៀមខ្លួនរួចរាល់ហើយ បន្ទាប់ពីហ្វឹកហាត់កាលពីម្សិលមិញ។
ក្រុមជើងឯកអឺរ៉ុប ត្រូវក្រុម Bilbao លត់ ៤-០ កាលពីប្រកួតជើងទី១ Spanish Super Cup នាកីឡដ្ឋាន San Mames កាលពីថ្ងៃសុក្រសប្ដាហ៍មុនទាំងមិនគួរឲ្យជឿ។ ប៉ុន្តែអ្នកចាត់ការសញ្ជាតិអេស្ប៉ាញវ័យ៤៥ឆ្នាំ សង្ឃឹមថាអ្នកមានបុណ្យ នឹងអាចវាយបកយកឈ្នះវិញ នៅជើងទី២ នៅកីឡដ្ឋាន Nou Camp។
លោក Enrique បាននិយាយថា៖ "នេះជាជំនួបដ៏សំខាន់មួយ សម្រាប់ក្រុមទាំង២។ បើយើងធ្វើអ្វីៗបានល្អ នោះយើងនឹងមានឱកាស។ យើងនឹងលេងឲ្យល្អជាងការប្រកួតជើងទី១ ហើយពេល Barca កំពុងលេង អ្វីៗក៏អាចកើតឡើងបានដែរ"។
អំឡុងពេលហ្វឹកហាត់ម្សិលមិញ នៅទីលាន Ciutat Esportiva Joan Gamper តារាឆ្នើមរបស់ក្រុម Lionel Messi, Luis Suarez និងកីឡាករជាច្រើនទៀត សុទ្ធតែបានបង្ហាញពីទឹកមុខញញឹមមុនប្រកួតនេះ ប៉ុន្តែសម្រាប់តារាឆ្នើមប្រេស៊ីល Neymar នឹងត្រូវអវត្តមានបន្តទៀត ដោយសារជំងឺ។ សម្រាប់ការប្រកួតយប់នេះ នឹងត្រូវចាប់ផ្ដើមនៅម៉ោង០៣:០០នាទី (កម្ពុជា)៕
ចុះប្រិយមិត្តជឿថា Barca អាចវាយបកបានវិញទេយប់នេះ?
-ចុចអាន៖ Alves៖ Barcelona អាចវាយបក យកឈ្នះ Bilbao បាននៅជើងទី២
ប្រែសម្រួល៖ វិន ជីវ័ន្ត ប្រភព៖ dailymail