ត្រីចម្លែកដេករយៈពេលជិត៥ឆ្នាំដោយពុំមានស៊ីអាហារ
- 2015-08-18 22:02:18
- ចំនួនមតិ 0 | ចំនួនចែករំលែក 0
ត្រីចម្លែកដេករយៈពេលជិត៥ឆ្នាំដោយពុំមានស៊ីអាហារ
ចន្លោះមិនឃើញ
សត្វត្រីចម្លែកនៅក្នុងទ្វីបអាហ្វ្រិក ត្រូវបានអ្នកវិទ្យាសាស្ត្រចាប់អារម្មណ៍សិក្សាលើវា ដោយសារវាអាចរស់នៅដោយមិនស៊ីអាហាររហូតដល់ជិត៥ឆ្នាំ។
អ្នកវិទ្យាសាស្ត្របានកត់សម្គាល់លើសកម្មភាពរបស់សត្វត្រី Lungfish ក្នុងទ្វីបអាហ្វ្រិក ក្រោយរកឃើញថាត្រីប្រភេទនេះអាចរស់នៅបានដោយសំងំដេកនិងពុំស៊ីអាហារ ហើយអាចរស់នៅដោយចំណាយថាមពលតិចតួចប៉ុណ្ណោះ។
ក្នុងការសិក្សាមួយរបស់ក្រុមអ្នកវិទ្យាសាស្ត្រនៃសាកលវិទ្យាល័យជាតិសិង្ហបុរី បានសិក្សាដំណើរការនៃលក្ខណៈពិសេសក្នុងខ្លួនសត្វត្រី Lungfish អំឡុង និងក្រោយពេលរដូវដែលវាសម្ងំលាក់ខ្លួន។ ក្រុមស្រាវជ្រាវបានរកឃើញពីហ្សែនពិសេសក្នុងថ្លើមដែលជួយឲ្យវាបន្សាបជាតិពុលក្នុងខ្លួន និងបន្សល់កាកសំណល់តិចតួច។ ម្យ៉ាងទៀតហ្សែនរបស់វាទាក់ទងនឹងដំណើរការកំណកឈាម ការរំលាយជាតិដែក ទង់ដែងក្នុងខ្លួនសត្វត្រី ដែលជួយឲ្យវាប្រើប្រាស់ថាមពលតិច រស់នៅបានយូរ។
ចំពោះរឿងចម្លែកបែបនេះ បានធ្វើឲ្យអ្នកស្រាវជ្រាវជាច្រើនចាប់អារម្មណ៍ និងសិក្សាលើលក្ខណៈពិសេសរបស់វា ដោយសង្ឃឹមថាអាចប្រើវិធីនោះ ជួយក្នុងការវះកាត់ដែលត្រូវចំណាយពេលច្រើន សម្រាប់អ្នកជំងឺរងគ្រោះថ្នាក់ធ្ងន់ធ្ងរ៕
ចុចអាន៖ ប្រជាជនអាមេរិកកំពុងផ្អើលក្រោយស្ត្រីម្នាក់ថតបានមនុស្សបង្កួយ
ប្រែសម្រួល៖ មាន រតនា ប្រភព៖ dailymail