កម្មវិធី "The X Factor” អង់គ្លេសប្រកាសថ្ងៃផ្សាយបើករដូវកាលទី១២ហើយ

2015-08-20 21:59:09
ចំនួនមតិ 0 | ចំនួនចែករំលែក 0

ចន្លោះមិនឃើញ

កម្មវិធីប្រលងចម្រៀង "The X Factor” របស់អង់គ្លេសនឹងវិលមកសាជាថ្មីក្នុងរដូវកាលទី១២ នៅថ្ងៃសៅរ៍ ទី២៩ ខែ សីហា ឆ្នាំ២០១៥ វេលាម៉ោង៨យប់លើកញ្ចក់ទូរទស្សន៍ ITV ប្រទេសអង់គ្លេស។

នៅរដូវកាលថ្មីនេះ លោក Simon Cowell និងតារាចម្រៀង Cheryl Fernandez-Versini នឹងត្រលប់មកកាន់កៅអីធ្វើជាគណៈកម្មការរបស់ខ្លួនដ៏ដែល ប៉ុន្តែពេលនេះមិនមានវត្តមានលោក Louis Walsh ដែលធ្លាប់ជាគណៈកម្មការក្នុងកម្មវិធីនេះអស់រយៈពេល១១រដូវកាលកន្លងទៅឡើយ។ តារាចម្រៀង Rita Ora និងលោក Nick Grimshaw នឹងត្រូវចូលមកជំនួសកន្លែង Louis Walsh។

ទន្ទឹមគ្នានេះដែរ លោកDermot O’Leary ក៏នឹងត្រូវក្លាយជាពិធីករថ្មីក្នុងកម្មវិធី "The X Factor” ជំនួសតំណែង Caroline Flack និង Olly Murs ខណៈដែល Rochelle Humes និង Melvin Odoom ធ្វើជាពិធីកររបស់ទូរទស្សន៍ ITV2 ក្នុងការផ្សាយកម្មវិធីនេះ។

ក្នុងរដូវកាលទី១២នេះ នឹងមានការផ្លាស់ប្ដូរទម្រង់ថ្មី ក្នុងការផ្សាយផ្ទាល់។ កម្មវិធីក៏បានសន្យាផងដែរថា នឹងនាំភាពសប្បាយរីករាយ បន្ទាប់ពីមានការរិះគន់ពីសំណាក់ទស្សនិកជនពីការមិនពេញចិត្តនៃការយំខ្សឹកខ្សួលរបស់បេក្ខជន នៅពេលដែលពួកគេចាកចេញពីកម្មវិធី៕

ខាងក្រោមជា trailer របស់កម្មវិធី “The X Factor 2015” រដូវកាលថ្មី៖