ថន លក្ខិណា និយាយអ្វីខ្លះពីកីឡាករជម្រើសជាតិកម្ពុជា?

2015-08-21 18:59:47
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងនាមជាអ្នកគាំទ្រម្នាក់ ថន លក្ខិណា បានពោលសរសើរចំពោះទម្រង់លេងរបស់កីឡាករជម្រើសជាតិកម្ពុជាល្ងាចមិញ ដោយបានយកឈ្នះកីឡាករមកពីប្រទេស ប៊ូតាន់ ក្នុងលទ្ធផល ២-០។

ថន លក្ខិណា និយាយថា៖" ខ្ញុំឃើញពួកគាត់លេងបានល្អណាស់ល្ងាចមិញ ចេះជួយគ្នា សាមគ្គីគ្នា ហើយបច្ចេកទេសនៃការលេងល្អជាងពីមុន"។ ពិធីការិនីរូបនេះបន្ថែមថា ទើបតែជាលើកទី២ទេ ដែលបានទៅចូលរួមទស្សនាដោយផ្ទាល់នៅពហុកីឡដ្ឋានជាតិអូឡាំពិក និងបានឃើញអ្នកស្នេហាវិស័យកីឡាជាច្រើននៅទីនោះ រួមទាំងអ្នកសិល្បៈផងដែរ។

អតីតបវរកញ្ញា BS ដដែលបង្ហាញទស្សនៈផ្ទាល់ថា ទម្រង់លេងរបស់កីឡាករកម្ពុជាល្ងាចមិញនេះល្អ ធ្វើឱ្យរូបនាងមើលមិនដាក់ភ្នែក។ ថន លក្ខិណា យល់ថា កម្ពុជាអាចរកគ្រាប់បាល់ច្រើនលើសពី ២ ប្រសិនបើកីឡាករទាំងអស់ប្រឹងប្រែងជាងនេះ ព្រោះហាក់ដូចជាមានឱកាសច្រើនដែរ។ ប៉ុន្តែយ៉ាងណា នាងនៅតែមានមោទនភាព និងចូលរួមត្រេកអរចំពោះលទ្ធផលទទួលបាន។

ជាមួយគ្នានោះ លក្ខិណា អះអាងថា មានការគាំទ្រចំពោះកីឡាករខ្មែរទាំងអស់ ព្រោះកីឡាករម្នាក់ៗសុទ្ធតែបានប្រឹងប្រែងអស់កម្លាំងកាយចិត្ត ដើម្បីមុខមាត់ប្រទេសជាតិ។ ជាក់ស្ដែងកាលពីល្ងាចមិញនេះ កីឡាករទាំងអស់ប្រឹងប្រែងអស់ពីកម្លាំងកាយចិត្តក្នុងការប្រកួត មើលទៅមានលក្ខណៈរស់រវើក ខណៈអ្នកគាំទ្រទាំងអស់ពេញចិត្តពេញថ្លើម៕

អានអត្ថបទ៖ ឱក សុគន្ធកញ្ញា និង ឆន សុវណ្ណរាជ ពិតជាមានឥទ្ធិពលខ្លាំងចំពោះ Fans មែន!

អានអត្ថបទ៖ ញ៉ែម សំអូន អស់អីថ្លែងរឿងភរិយារត់ចោល