សព្វាវុធទំនើបៗទាំង ៩ ដែលប្រើដោយយោធារុស្សី

2015-08-22 13:27:32
ចំនួនមតិ 0 | ចំនួនចែករំលែក 0

ចន្លោះមិនឃើញ

រុស្សីគឺជាប្រទេសមហាអំណាចធំដែលចំណាយថវិកាប្រមាណជា៧០ពាន់លានដុល្លារក្នងមួយឆ្នាំទៅលើវិស័យការពារជាតិ។ ក្នុងនោះដែរប្រទេសមហាអំណាចមួយនេះបានចំណាយថវិកាទៅលើកងទ័ពចំនួន ៨៤៥ ០០០ នាក់ រថក្រោះចំនួន ២២ ៥៥០ គ្រឿង និង យន្តហោះចម្បាំង ចំនួន ១៣ ៩៩ គ្រឿង។ ខាងក្រោមនេះគឺអាវុធទំនើបៗរបស់រុស្សីដែលកំពុងប្រើក្នុងវិស័យយោធារបស់ខ្លួន។

Bora-class៖ គឺជាកប៉ាល់ទំនើបមួយដែលមើលទៅ គឺពិតជាដូចកប៉ាល់ទេសចរណ៍ណាស់ ប៉ុន្តែវាគឺជាអាវុធដ៏ទំនើបមួយរបស់រុស្សី។ Bora-class គឺត្រូវបានបំពាក់ដោយមីស៊ីលប្រភេទ Mosquito និងមីស៊ីលបាញ់យន្តហោះចំនួន ២០ គ្រាប់ ហើយវាក៏អាចដឹកនាវិកបានដល់ទៅ ៦៨ នាក់ និងមានល្បឿន ១០០ គ.ម ក្នុងមួយម៉ោង។

Pantsir-S1 ៖ គឺជាគ្រាប់មីស៊ីលដែលបញ្ចូលគ្នាដោយមីស៊ីលប្រភេទ GTAM ធន់ខ្លី និងមធ្យម និង គ្រាប់មីស៊ីលសម្រាប់បាញ់យន្តហោះ។ Pantsir-S1 គឺផ្ទុកដោយគ្រាប់មីស៊ីល GTAM ចំនួន ១២ គ្រាប់ និង កាំភ្លើងយន្ត ៣០ម.ម ដែលអាចបាញ់យន្តហោះ ឧទ្ធម្ភាគចក្រ កាំជ្រួចមីស៊ីល និងនាវាមីស៊ីល។

Novorossiysk ៖ គឺជានាវាមុជទឹកបំបាំងកាយទំនើបមួយដែលត្រូវបានផលិតឡើងដោយបំពាក់បច្ចេកវិទ្យាបំបាំងកាយដោយអាចលាក់ខ្លួនបាននៅពេលដែលវាមុចចុះទៅក្រោមទឹក។

Mig-35 ៖ យន្តហោះចម្បាំងប្រភេទនេះគឺមានសមត្ថភាពអាចធ្វើការប្រយុទ្ធបានទាំងនៅលើផ្ទៃអាកាសខ្ពស់ៗ និង ទីទាបៗ។ ល្បឿនរបស់គឺ ២៤០០ គ.ម ក្នុងមួយម៉ោង។ ក្រៅពីជាយន្តហោះចម្បាំង Mig-35 អាចប្រើក្នុងបេសកម្មឈ្លបយកការណ៍បានផងដែរ។

BUK-2 ៖ គឺជាប្រព័ន្ធបាញ់គ្រាប់មីស៊ីលទំនើបមួយ និងមានកម្លាំងខ្លាំង។ គ្រាប់មីស៊ីលរបស់វាគឺជាប្រភេទ 9M317 ដែលអាចបាញ់បានដល់កំពស់ ៤៦០០០ ហ្វ៊ីត ក្នុងល្បឿនសំឡេង ៣ដង ដោយក្បាលគ្រាប់ទម្ងន់ ១៥៤ ផោន។

 RS-24 Yars ៖ គឺជាកាំជ្រួចឆ្លងទ្វីបផ្ទុកដោយក្បាលគ្រាប់នុយក្លេអ៊ែរជាច្រើន ដែលអាចបាញ់បានចម្ងាយ ១៦០៩៣,៤៤ គ.ម។

 Tupolev Tu-160 ៖ គឺជាយន្តហោះចម្បាំងដែលមានល្បឿនលឿនបំផុត ដែលត្រូវបានផលិតផ្ទាល់ដោយសហភាពសូវៀតក្នុងឆ្នាំ ១៩៨០។ យន្តហោះចម្បាំងដែលមានល្បឿនលឿនបំផុតនេះគឺអាចផ្ទុកអាវុធបានក្នុងទម្ងន់ ៤០ ០០០ គ.កឯណោះ។

T-90៖ គឺជារថក្រោះសង្រ្គាមដ៏ទំនើបដែលប្រើដោយយោធារុស្ស៊ីផ្ទាល់។ អាវុធសំខាន់របស់វាគឺកាំភ្លើងដែលមានកាណុងទំហំ ១២៥ ម.ម ជាមួយនឹងសមត្ថភាពខ្លាំងអាចបាញ់កំទេចរថក្រោះបាន។

Borei-class ៖ គឺជានាវាមុជទឹកមីស៊ីលដែលដំណើការដោយថាមពលនុយក្លេអ៊ែរ។ នាវាមុជទឹកនេះផ្ទុកដោយគ្រាប់មីស៊ីលផ្លោងចំប្រភេទ Bulava ចំនួន ១៦ ហើយគ្រាប់មីស៊ីលនីមួយៗបំពាក់ដោយក្បាលគ្រាប់ ចំនួន ១០ ដែលអាចបាញ់បានចម្ងាយ ៨ ៣០០ គ.ម៕