រឿងពិតគួរចាប់អារម្មណ៍ ៩យ៉ាងពី Girls' Generation ដែលអ្នកអាចមិនដឹង
- 2015-08-25 13:05:44
- ចំនួនមតិ 0 | ចំនួនចែករំលែក 0
រឿងពិតគួរចាប់អារម្មណ៍ ៩យ៉ាងពី Girls' Generation ដែលអ្នកអាចមិនដឹង
ចន្លោះមិនឃើញ
គ្មានអ្នកណាអាចប្រកែកបានឡើយថា Girls' Generation មិនមែនជាក្រុមចម្រៀងនារីកូរ៉េដែលមានឥទ្ធិពលជាងគេក្នុងចំណោមក្រុមចម្រៀងនារីកូរ៉េទាំងឡាយ។ បន្ទាប់ពីការបង្ហាញខ្លួនដំបូងក្នុងឆ្នាំ ២០០៧ ពូកគេមានឈ្មោះល្បីភ្លាមហើយត្រូវបានគេហៅថា "ក្រុមចម្រៀងនារីតំណាងជាតិ" ។ ប្រិយមិត្តប្រហែលជាធ្លាប់ស្តាប់ក៏ដូចជាមើលកម្មវិធីនិងរឿងភាគដែលក្រុមចម្រៀងនេះបង្ហាញមុខ តែក៏មានអាថ៌កំបាំងមួយចំនួនដែលអ្នកអាចមិនទាន់ដឹងពីក្រុមចម្រៀងល្បីឈ្មោះនេះដែរ។
១. ចាប់ផ្តើមពីឆ្នាំ ២០០៥ ផលិតកម្ម SM Entertainment មានបំណងបង្កើតក្រុមចម្រៀងស្រីដែលមានលក្ខណៈដូចក្រុមចម្រៀងប្រុស Super Junior មួយក្រុម។ ដូចនេះកំឡុងហ្វឹកហាត់ត្រៀមបង្ហាញមុខ Girls' Generation មានឈ្មោះថា Super Girls។ ក្រុមចម្រៀងដើមឡើយមានសមាជិក ១១នាក់ តែដោយមានការកែប្រែខ្លះ ពួកគេបានបង្ហាញមុខដំបូងជាមួយសមាជិក ៩រូបវិញ។
២. កំឡុងពេលរស់នៅជាមួយគ្នានៅក្រុមហ៊ុន Girls' Generation បានបង្កើតច្បាប់ជាច្រើនដើម្បីកុំឲ្យមានជម្លោះរវាងគ្នា។ ពួកគេបានលេង " ក្ដាប់ លា " ដើម្បីសម្រេចថាអ្នកណាចូលងូតទឹកមុនគេ ឬក៏សរសេរឈ្មោះរបស់ខ្លួនលើខោអាវក្នុងដើម្បីកុំឲ្យច្រឡំគ្នា។ មានច្បាប់មួយទៀតគឺអ្នកណាក្រោកមុនគេត្រូវធ្វើអាហារពេលព្រឹក និងអ្នកក្រោកក្រោយគេត្រូវលាងសម្អាតចានក្បាន។ ពីព្រោះ Jessica ជាអ្នកដែលតែងតែងើបយឺតជាងគេ ដូចនេះភាគច្រើន Jessica ជាអ្នកលាងចាន។
៣. សមាជិកមួយចំនួនរបស់ Girls' Generation បាននៅជាមួយគ្នាតាំងពីអាយុ ១០ឆ្នាំមកម្ល៉េះ ដូចនេះពួកគេចាត់ទុកគ្នាដូចបងប្អូនបង្កើត។ ពួកគេបានទទួលស្គាល់ថាពួកគេឧស្សាហ៍មានរឿងឈ្លោះគ្នា។ មានពេលមួយ Taeyeon និង Tiffany មានរឿងឈ្លោះគ្នារហូតដល់ថ្នាក់ការប្រគំតន្ត្រីរបស់ពួកគេនៅជប៉ុនសឹងតែត្រូវរំសាយចោល។ ក្រោយមកពូកគេក៏ត្រូវគ្នាវិញ ហើយការប្រគំតន្ត្រីត្រូវបានប្រព្រឹត្តឡើងជាធម្មតា។
៤. សមាជិក Girls' Generation មួយចំនួនបានចូលប្រឡូកក្នុងវិស័យសិល្បៈមុនពេលចុះកុងត្រាជាមួយផលិតកម្ម SM Entertainment ទៅទៀត។ Yoona បានទៅធ្វើតេស្តចូលសម្ដែងក្នុងភាពយន្ត រឿងភាគ និង វីដេអូចម្រៀងមិនតិចជាង ២០០លើកនោះទេ។ Sooyoung ធ្លាប់ជាសមាជិករបស់ក្រុមចម្រៀង Route 9 តែក្រុមចម្រៀងបានបែកគ្នា១ឆ្នាំក្រោយបង្ហាញមុខ។ បន្ទាប់ពីហាត់រៀននៅ SM Entertainment អស់រយៈពេល ៥ឆ្នាំ Sunny បានចុះកុងត្រាជាមួយក្រុមហ៊ុន Starworld ដើម្បីចូលក្រុម Sugar តែក្រុមនេះមិនបានបង្ហាញមុខ Sunny ក៏ត្រលប់មក SM Entertainment វិញ។
៥. មានពេលមួយ Girls' Genetation បាននាំគ្នាទៅលេងនៅសួនកម្សាន្តដើម្បីលំហែអារម្មណ៍។ នៅពេលនោះអ្នកគាំទ្របានថតជាប់រូបរបស់ Sunny, Hyoyeon, Jessica និង Tiffany។ ក្រោយមកក្រុមហ៊ុនបានខឹងសម្បារយ៉ាងខ្លាំងដោយពូកគេចេញទៅក្រៅដោយមិនផាត់មុខ។ ក្រុមហ៊ុនបានប្រាប់ពូកគេថាលើកក្រោយចេញទៅក្រៅត្រូវតែផាត់មុខ។
៦. Girls' Generation ចេញអាល់ប៊ុមដំបូងរបស់ពួកគេនៅអាមេរិកនៅឆ្នាំ ២០១១។ កំឡុងពេលនេះពួកគេបានសម្តែងក្នុងកម្មវិធី “Late Show with David Letterman” និង “Live! with Kelly,” ហើយបានក្លាយជាតារាចម្រៀងកូរ៉េទី១ ដែលបានសម្តែងក្នុងកម្មវិធីទាំងនេះ។
៧. Tiffany ធ្លាប់ទទួលស្គាល់ថាពូកគេចូលចិត្តទៅលេងក្លឹប និងផឹកស្រា។ នាងបាននិយាយថាអ្នកដែលមានទម្លាប់អាក្រក់ជាងគេពេលស្រវឹងគឺ Sooyoung និង Hyoyeon។ Sooyoung ពេលស្រវឹងគឺឆាប់ខឹង ហើយ Hyoyeon ពេលស្រវឹងគឺទូរសព្ទទៅគេគ្រប់គ្នា។
៨. ដោយមានសម្ពាធខ្លាំងពេកពីការធ្វើមេក្រុម Taeyeon ចាប់ផ្តើមដេកមមើ។ Sooyoung និយាយថា " ពេលខ្លះ កំពុងគេង Taeyeon បែរជាមមើគិតលេខ។ ទោះបីអត់មានមនុស្សក៏ដោយក៏នាងជម្រាបសួរដែរ។ ពេលកណ្ដាលអធ្រាត្រនាងចាប់ផ្ដើមចុចទូរសព្ទ" ។
៩. Jessica ជាសមាជិកដែលគេងច្រើនជាងគេ។ ពេលអត់មានការសម្ដែង នាងអាចគេងរហូតដល់ទៅ ១៦ ម៉ោង ទាល់តែមានសមាជិកដទៃដាស់ទើបនាងងើបឡើង។ កំឡុងពេលថតកម្មវិធីមួយ ស្រាប់តែ Jessica បាត់ខ្លួន។ ក្រុមការងារស្វែងរកនាងអស់រយៈពេល២ម៉ោងនៅតែរកមិនឃើញក៏ចាប់ផ្តើមទូរស័ព្ទទៅប៉ូលិស។ បន្ទាប់មកគេឃើញនាងកំពុងដេកលក់ក្នុងបន្ទប់ទឹកដោយដៃកំពុងកាន់ច្រាស់ដុសធ្មេញ ៕
ចុចអាន៖Girls’ Generation លេងស្ទីលពីសង្គមចាស់ម្ដងក្នុង MV ថ្មី “Lion Heart”
ចុចអាន៖Girls’ Generation ល្បីក្នុងវិថីសិល្បៈ ចុះពួកគេមានការសិក្សាកម្រិតណាដែរ?
ប្រែសម្រួល៖ សុវណ្ណផៃ ប្រភព៖ soompi