ប៉ុបពីថា ផ្លាស់ប្ដូរសង្សារច្រើនគឺមានមូលហេតុ

2015-08-25 17:59:42
ចំនួនមតិ 0 | ចំនួនចែករំលែក 0

ចន្លោះមិនឃើញ

កញ្ញា ប៉ុបពី ធ្លាប់បានផ្លាស់ប្ដូរសង្សារជាច្រើននាក់មកហើយ ហើយបញ្ហានេះ អតីតពិធីការិនី និងជាតារាសម្ដែងរូបនេះ ទម្លាយឲ្យដឹងថា មកពីសង្សារទាំងនោះ ប្រចណ្ឌច្រើន ហើយម្យ៉ាងទៀត កញ្ញា មិនមានសម្ភារៈនិយមផ្គាប់ចិត្ត។

ប៉ុបពីប្រាប់ថា កញ្ញាធ្លាប់មានសង្សារ ៣នាក់មកហើយ ដោយសង្សារនីមួយៗ សុទ្ធតែបានរស់នៅជាមួយគ្នាជាច្រើនឆ្នាំ ទើបចែកផ្លូវគ្នា។ " សង្សារទី១ ខ្ញុំរស់នៅជាមួយគ្នាបាន៣ឆ្នាំ ទី២ បាន២ឆ្នាំ ហើយទី៣ បាន៧ឆ្នាំ ទើបចែកផ្លូវគ្នាកាលពីជាង១ខែនេះ" ប៉ុបពី រៀបរាប់ប្រាប់ Sabay។

ប្រចណ្ឌ និង សម្ភារៈនិយម គឺជា កត្តាចម្បងដែលនាំឲ្យចែកផ្លូវគ្នា។ តារាដែលអះអាងថា បានកែភេទពីប្រុសមកជាស្រីម្នាក់នេះថ្លែងថា "មិនមែនខ្ញុំជាអ្នកប្រចណ្ឌដៃគូគ្រប់ពេលឡើយ ប៉ុន្តែដៃគូខ្ញុំ ក៏ប្រចណ្ឌខ្ញុំខ្លាំងណាស់ដែរ ហើយរឿង សម្ភារៈផ្គាប់ចិត្ត ខ្ញុំអត់ចូលចិត្តទាល់តែសោះ ខ្ញុំអត់អាចផ្គាប់ចិត្តបានគ្រប់ពេលនោះឡើយ " ។

ប៉ុបពី មិនបានបញ្ជាក់ប្រាប់ថា នាងធ្លាប់ទិញអ្វីខ្លះ ដើម្បីយកទៅផ្គាប់ចិត្តសង្សារទាំងអស់នោះឡើយ ប៉ុន្តែតារាបានកែភេទដំបូងគេនេះ បានលើកឡើងថា នាងជាមនុស្សមានសាច់មានឈាមមានបេះដូង ហើយចង់បានស្នេហាពិតដូចមនុស្សទូទៅ ហើយជីវិតរបស់នាងមិនកើតមកសម្រាប់តែទទួលរងការបោកប្រាស់ពីសំណាក់បុរសៗទាំងនោះឡើយ។