Open Office យល់កាន់តែច្បាស់ពីការប្រើប្រាស់ភាសាខ្មែរ

2015-08-27 18:04:29
ចំនួនមតិ 0 | ចំនួនចែករំលែក 0

ចន្លោះមិនឃើញ

Open Office គឺជាកម្មវិធីវាយអត្ថបទដែលស្រដៀងទៅនឹង MS Office ដែលមានប្រយោជន៍សម្រាប់ប្រជាជនខ្មែរក្នុងការវាយអក្សរខ្មែរបានត្រឹមត្រូវនិងល្អឥតខ្ចោះ។

Open Office អាចបង្រៀនអ្នកប្រើប្រាស់យល់ពីភាសាខ្មែរកាន់តែច្បាស់ដោយសារមានការត្រួតពិនិត្យរាល់ពាក្យណាខុសពីការវាយបញ្ចូលអក្សរតាមរយៈ Keyboard ព្រោះរាល់ពាក្យខុសសុទ្ធតែបញ្ជាក់ឲ្យដឹងដើម្បីកែតម្រូវតាមក្រោយនៃការផ្ទៀងរកកំហុសអក្ខរាវិរុទ្ធអក្សរខ្មែរ។ ដើម្បីកែតម្រូវប្រិយមិត្តត្រូវតែវាយបញ្ចូលអមនឹងការដកឃ្លាមួយពាក្យម្ដង (Zero Space បានន័យថាយើងចុច Space Key តែមួយ) ដើម្បីឲ្យមានបន្ទាត់ក្រហមនៅពីក្រោមពាក្យខុសទាំងនោះ។

១. កម្មវិធីដែលត្រូវទាញយក

ទាមទារឲ្យប្រិយមិត្តមានក្តារចុចខ្មែរយូនីកូដ បើពុំទាន់មានទាញយក ចុចត្រង់នេះ....

+ទាញយក Open Office សម្រាប់ Windows ចុចត្រង់នេះ...

+ទាញយកកម្មវិធីត្រួតពិនិត្យផ្ទៀងរកកំហុសអក្ខរាវិរុទ្ធខ្មែរ ចុចត្រង់នេះ...

២. របៀបដំឡើង និង របៀបប្រើប្រាស់

ពេលដំឡើង Open Office ហើយត្រូវតែកំណត់រចនាសម្ព័ន្ធជាភាសាខ្មែរដោយ៖

បើក OpenOffice Writer → ចូលទៅកាន់ ឧបករណ៍--> ជម្រើស-->ការកំណត់ភាសា-->ភាសា-> កំណត់វាល "ការកំណត់មូលដ្ឋាន" ទៅជា "ខ្មែរ"->បន្ទាប់មកចុចប៊ូតុង "យល់ព្រម"។

ដំឡើង Khmer Spelling Checker ដើម្បីផ្ទៀងរកកំហុសអក្ខរាវិរុទ្ធខ្មែររួច Restart កុំព្យូទ័រដើម្បីដំណើរនិងវាយអត្ថបទជាភាសាខ្មែរ។

សម្រាប់ការ Zero Space ឃើញអក្ខរាវិរុទ្ធណាខុសដើម្បីកែតម្រូវត្រូវ Mouse ស្តាំលើពាក្យនោះនឹងលេចចេញផ្ទាំងជម្រើសពាក្យត្រូវ។ មួយវិញទៀត Zero Space គឺជាការដកឃ្លាដោយមិនឲ្យដាច់ពីគ្នា ហើយត្រូវតែ Zero Space លើពាក្យដែលមានន័យគ្រប់គ្រាន់ បានន័យថា ចុចតែលើ Key Space តែមួយមិនមែន ដកឃ្លាដោយចុច (Shift+Space) នោះឡើយ។ មួយវិញទៀតពេលដែល Zero Space រួចប្រិយមិត្តនឹងឃើញពណ៌រាងប្រផេះនៅចន្លោះពាក្យនីមួយៗក្នុងអត្ថបទ។ (មើលរូប)