ធ្លាយរូប CL ថតដាក់ទស្សនាវដ្ដីល្បីនៅអាមេរិកជាមួយ Jeremy Scott

2015-08-30 19:21:50
ចំនួនមតិ 0 | ចំនួនចែករំលែក 0

ចន្លោះមិនឃើញ

មួយរយៈក្រោយនេះ មានព័ត៌មានដ៏គួរឱ្យចាប់អារម្មណ៍ជាច្រើនពី CL ដែលធ្វើឱ្យអ្នកគាំទ្ររបស់នាងកាន់តែស្រលាញ់នាងខ្លាំងឡើងៗ ដូចជារូបភាពស្និទ្ធស្នាលរបស់ CL និង Miley Cyrus និង Jeremy Scott ក៏ដូចជាការបង្ហោះរូបភាពរបស់នាងជាមួយអ្នកផាត់មុខថ្មីដ៏ស្រស់ស្អាតនិងល្បីឈ្មោះ Pony ជាដើម។ ចំណែកកាលពីប៉ុន្មានថ្ងៃមុននេះ ទស្សនាវដ្ដី Paper Mag ដែលល្បីល្បាញខាងម៉ូដនៅទីក្រុង New York ក៏បានហៅ CL និងមិត្តជិតស្និទ្ធរបស់នាង គឺអ្នកច្នៃម៉ូដល្បីនៅអាមេរិកលោក Jeremy Scott ថតរូបសម្រាប់ដាក់ទស្សនាវដ្ដីផងដែរ។

ក្នុងការផ្ដល់បទសម្ភាសន៍ជាមួយ Jeremy, CL បានរៀបរាប់ថា នាងតែងតែពាក់សំលៀកបំពាក់ Adidas ដែលច្នៃដោយ Jeremy តាំងពីនាងចូលសិល្បៈដំបូងម្ល៉េះ។ ហើយពេលនោះ Jeremy ក៏បានឃើញនាងក្នុងអ៊ីនធឺណិត ក៏បានមកដល់កូរ៉េទាក់ទង CL ឱ្យថតរូបជាមួយគ្នា ហើយពួកគេក៏រាប់អានគ្នាតាំងពីពេលនោះមក។

ដោយឡែក សម្រាប់ការថតដាក់ទស្សនាវដ្ដី Paper នេះ CL និង Jeremy មានរូបថតបីសន្លឹកដែលខាងទស្សនាវដ្ដីបានបញ្ចេញ ដោយមានរូបភាពជាស្ដេច និងម្ចាស់ក្សត្រីដោយលេងម៉ូដធំៗឱ្យ Moschino ។

ជាមួយដំណឹងថ្មីមួយទៀត សមាជិកក្រុម 2NE1 រូបនេះក៏កំពុងតែត្រៀមចេញបទចម្រៀងដំបូងរបស់នាងនៅអាមេរិកក្នុងពេលឆាប់ៗនេះដែរ៕ ចុចអាន៖ អ្នកផាត់មុខថ្មីរបស់ CL ស្អាតខ្លាំងមិនចាញ់តារា ចុចអាន៖ វីដេអូថ្មីបង្ហាញទំនាក់ទំនង CL ជាមួយ Miley Cyrus និង Jeremy Scott ប្រែសម្រួល៖ សុគន្ធី ប្រភព៖ papermag