បិទបញ្ចប់ការដោះដូរ លីកអង់គ្លេសនាំមុខគេរឿងចាយលុយលើកីឡាករ

2015-09-02 14:34:03
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងចំណោមលីកកំពូលទាំង៥នៅអឺរ៉ុប លីកកំពូលអង់គ្លេសនៅជាអ្នកចាយធំជាងគេរាល់ព្រឹត្តិការណ៍ដោះដូរកីឡាករម្ដងៗ។

ក្រោយការបិទបញ្ចប់ការដោះដូរកីឡាករកាលពីម្សិលមិញ គេសង្កេតឃើញថា ក្លិបផ្សេងៗនៅ Premier League របស់អង់គ្លេសបានចំណាយលុយសរុបរហូតដល់ទៅ១៣៣៧,៨៩លានដុល្លារ។ ក្នុងនោះ Manchester City បានចំណាយលុយធំ បានទិញយកកីឡាករ Kevin De Bruyne ពី Wolfsburg ក្នុងតម្លៃខ្លួន ៨៤,៥លានដុល្លារ និង Raheem Sterling ពី Liverpool ក្នុងតម្លៃខ្លួនជាង៧៥លានដុល្លារ។

ចំណែក បិសាចក្រហម Manchester United បានទិញយកកីឡាករវ័យក្មេង Anthony Martial ពី Monaco ក្នុងតម្លៃខ្លួនដល់ទៅជាង៥៥លានដុល្លារផងដែរ។

ចាប់តាំងពីណែនាំឲ្យមានប្រព័ន្ធដោះដូរកីឡាករក្នុងឆ្នាំ២០០២មក ចំនួនលុយដែលចំណាយលើការដោះដូរកីឡាករសរុបនៅលីកកំពូលអង់គ្លេសមានរហូតដល់១១,២៣ពានលានដុល្លារហើយ។

កំពូលលីកទាំង៥នៅអឺរ៉ុបដែលចំណាយលុយច្រើនក្នុងរដូវដោះដូរកីឡាករនេះ៖

១.Premier Leagues អង់គ្លេស ចាយអស់១៣៣៧,៨៩លានដុល្លារ

២.Serie A អ៊ីតាលី ចាយអស់ ៦២២,៨លានដុល្លារ

៣.La Liga អេស្ប៉ាញ ចាយអស់ជាង៦១៥លានដុល្លារ

៤.Bundesliga អាល្លឺម៉ង់ ចាយអស់ជិត៤៤៦លានដុល្លារ

៥.League 1 បារាំង ចាយអស់ជាង៣៣៨លានដុល្លារ

កីឡាករដែលគេចូលមើលក្នុងបណ្ដាញសង្គមច្រើនជាងគេ៖

-មានប្រហែល១,១លាន Tweet ទៅលើអ្នកចាំទីបិសាចក្រហម David De Gea ក្នុងរយៈពេល២៤ម៉ោងចុងក្រោយមុនការដោះដូរកីឡាករត្រូវបិទបញ្ចប់។

-មានការសរសេរសារអំពី Saido Berahino កីឡាករ West Brom ដល់ទៅ៣៤០៧១សារលើ Twitter ក្នុងរយៈពេលតែពីរម៉ោងប៉ុណ្ណោះ ក្រោយខ្សែប្រយុទ្ធរូបនេះសរសេរ Status លើបណ្ដាញសង្គម៕

-ចុចអាន៖ កូនប្រុស Rooney ជាអ្នកគាំទ្រ Suarez , Neymar និង Messi

ប្រភព៖ BBC, Metro