CL រងការរិះគន់ពេលនិយាយថាស្ត្រីអាស៊ីកំសាក

2015-09-03 16:38:38
ចំនួនមតិ 0 | ចំនួនចែករំលែក 0

ចន្លោះមិនឃើញ

មតិរបស់តារាចម្រៀង CL ដែលចុះផ្សាយលើទស្សនាវដ្ដី Paper របស់អាមេរិក កំពុងក្លាយជាប្រធានបទដ៏ក្ដៅនៅលើសារព័ត៌មានជាច្រើននៅកូរ៉េ។

Jemery Scott និង CL ពេលចូលរួមកម្មវិធីពានរង្វាន់ VMAs កាលពីថ្ងៃអាទិត្យ

សមាជិកក្រុមចម្រៀង 2NE1 និងមិត្តភក្តិរបស់ខ្លួនអ្នកច្នៃម៉ូដល្បីឈ្មោះ Jemery Scott បានថតរូបសម្រាប់ទស្សនាវដ្ដី Paper ហើយបទសម្ភាសន៍ជាមួយទស្សនាវដ្ដីនេះត្រូវបានបញ្ចេញកាលពីថ្ងៃទី ១ ខែកញ្ញាមុននេះ។ ការនិយាយពាក់ព័ន្ធដល់ស្ត្រីអាស៊ីរបស់ CL កំពុងរងការឆ្លើយតបអវិជ្ជមានពីមនុស្សមួយចំនួនដោយអ្នកទាំងអស់នោះបានលើកឡើងថា CL និយាយប្រមាថដល់ស្ត្រីអាស៊ី។

ម្ចាស់បទ "Baddest Female” ត្រូវបានសួរពីនិយមន័យរបស់ពាក្យ "ស៊ីវិល័យ" និងអាជីពជាតារាចម្រៀងអន្តរជាតិរបស់ខ្លួន ដោយនាងបានឆ្លើយតបថា "ស្រីៗនៅអាស៊ីគឺតែងតែស្ដាប់ឱវាទ អៀន កំសាក និងស្ងៀមស្ងាត់ តែខ្ញុំអាចនិយាយបានថាវាកំពុងតែផ្លាស់ប្ដូរ។ ខ្ញុំចង់ឲ្យពួកគេខ្លាំងក្លាជាងនេះ ហើយវាជារឿងប្រក្រតីដែលមនុស្សម្នាក់មានចំណុចប្លែកពីអ្នកដទៃ" ។

មេក្រុម 2NE1 បានបន្តទៀតថា "ខ្ញុំគិតថាក្មេងៗឥលូវកំពុងស្វែងរកអ្វីដែលថ្មី ហើយចង់ប្លែកពីអ្នកដទៃ ជាពិសេសស្រីៗ។ នេះក៏ជាហេតុផលខ្ញុំចេញមកទីនេះធ្វើជាឧទាហរណ៍ឲ្យស្រីៗអាស៊ី។ ស្រីអាស៊ីភាគច្រើនចូលចិត្តអ្វីដែលសាមញ្ញព្រោះវាស្រួល ហើយអ្នកគាំទ្រជាច្រើនរបស់ខ្ញុំគឺជាស្រីទាំងនោះ ហើយពួកគេចង់ហ៊ានជាងនេះ ប៉ុន្តែគ្មានអ្នកណាធ្វើជាគំរូដល់ពួកគេថាត្រូវធ្វើដូចអ្នកណា" ។

មនុស្សមួយចំនួនបានលើកមតិឡើងថា CL មិនចេះគិតពេលនិយាយថា "ស្រីអាស៊ីស្ដាប់ឱវាទ អៀន កំសាក និង ស្ងៀមស្ងាត់"។

ចុះប្រិយមិត្តវិញយល់យ៉ាងណាដែរចំពោះការលើកឡើងរបស់ CL?