ជម្រុះ World Cup៖ ល្បីថាជប៉ុន ប្រើទម្រង់ ៤-៣-៣ តែកម្ពុជាប្រើទម្រង់ ៥-៣-២

2015-09-03 21:35:11
ចំនួនមតិ 0 | ចំនួនចែករំលែក 0

ចន្លោះមិនឃើញ

កម្ពុជា និងជប៉ុន នឹងត្រូវប្រកួតគ្នានៅវេលាម៉ោង ៥:២៦ នាទីល្ងាចម៉ោងនៅកម្ពុជា នាថ្ងៃព្រហស្បតិ៍ ទី ៣ ខែ កញ្ញា នេះលើទីលានកីឡដ្ឋាន Saitama Stadium 2002 ក្នុងយុទ្ធនាការជម្រុះពានរង្វាន់បាល់ទាត់ពិភពលោក 2018 FIFA World Cup Russia ប្រចាំទ្វីបអាស៊ី។

បើតាមដំណឹងដែលចេញផ្សាយដោយវិបសាយ soccerdigestweb ជាភាសាជប៉ុន បានសរសេរថាក្នុងជំនួបនេះលោកគ្រូបង្វឹក Vahid Halilhodzic របស់ម្ចាស់ផ្ទះនឹងប្រើទម្រង់ប្រកួត ៤-៣-៣។ ចំណែកប្រភពមកពីថ្នាក់ដឹកនាំក្រុមជម្រើសជាតិកម្ពុជា វិញបានប្រាប់ Sabay ថា លោកគ្រូបង្វឹក Lee Tae Hoon របស់កម្ពុជា នឹងប្រើប្រព័ន្ធប្រកួត ៥-៣-២។ ប៉ុន្តែប្រភពមិនសុំមិនបង្ហាញឈ្មោះកីឡាករដែលនឹងជាប់ជម្រើស ១១ នាក់ដំបូង មុនការប្រកួតមកដល់នេះទេ។

ការព្យាករណ៍របស់វិបសាយ soccerdigestweb ចំពោះជម្រើស ១១ នាក់ដំបូងរបស់ជប៉ុន (ខាងលើភាសាជប៉ុន ហើយក្រោមសម្រាយជាភាសាអង់គ្លេស)

នៅមិនដល់ប៉ុន្មានម៉ោងទៀតទេ ស្នងការប្រកួតនឹងផ្ដល់ឱកាសឱ្យគ្រូបង្វឹករវាងក្រុមទាំង២ ជ្រើសរើសកីឡាករជម្រើស១១ នាក់ដំបូងរៀងៗខ្លូន មុនចេញប្រកួតនៅមុខអ្នកគាំទ្រជាច្រើនម៉ឺននាក់។

ចុះបើប្រិយមិត្តព្យាការណ៍វិញ តើកីឡាករកម្ពុជារូបណាដែលនឹងបង្ហាញខ្លួនក្នុងជំនួបនេះ?

ព័ត៌មានជាច្រើនជុំវិញវគ្គជម្រុះ 2018 FIFA World Cup Russia សូមចុចទីនេះ...

អត្ថបទ៖ ម៉ឺន រស្មី