របួសរ៉ាំរ៉ៃរបស់ Welbeck បានវះកាត់ហើយ សង្ឃឹមបានចូលលេងវិញចុងឆ្នាំនេះ

2015-09-04 22:43:10
ចំនួនមតិ 0 | ចំនួនចែករំលែក 0

ចន្លោះមិនឃើញ

Danny Welbeck ដែលខកខានមិនបានបង្ហាញខ្លួនតាំងពីយូរណាស់មកហើយនោះ ត្រូវបាន Arsenal បញ្ជាក់ថាវះកាត់ជង្គង់បានដោយជោគជ័យ ហើយថែមទាំងសង្ឃឹមថាខ្សែប្រយុទ្ធរូបនេះនឹងចូលលេងបានវិញនៅខែធ្នូខាងមុខនេះ។

Welbeck មានបញ្ហារបួសជង្គង់ខាងឆ្វេងខ្លាំង ពេលក្រុម Arsenal ប្រកួតជាមួយក្រុម Chelsea កាលពីខែមេសាកន្លងទៅ។ តាំងពីពេលនោះមក រូបគេត្រូវអវត្តមានរហូតដោយសារតែត្រូវព្យាបាលរបួសនេះ ប៉ុន្តែហាក់ដូចជាមិនធូរស្រាលឡើយ ទើបខាងក្រុមកាំភ្លើងធំសម្រេចចិត្តឱ្យចូលវះកាត់កាលពីសប្ដាហ៍មុន។ ជាលទ្ធផល ការវះកាត់នោះបានជោគជ័យ ប៉ុន្តែត្រូវសម្រាកព្យាបាលបន្ថែមទៀត រហូតដល់ខែធ្នូចុងឆ្នាំឯណោះ ទើបរូបគេអាចចូលលេងបានជាធម្មតាវិញ។

ខ្សែប្រយុទ្ធវ័យ២៤ឆ្នាំខាងលើជាអតីតកីឡាកររបស់ Manchester United ដែលទើបតែផ្លាស់ចូល Arsenal កាលពីរដូវកាលមុននេះទេ។ ក្នុងរយៈពេលរដូវកាលនោះដែរ រូបគេបានបង្ហាញខ្លួន៣៤ប្រកួត និងរកគ្រាប់បាល់បាន៨គ្រាប់៕

ចុចអាន៖ Carragher៖ កីឡាករថ្មី Man Utd, Man City, Liverpool ឬ Arsenal នៅតែមិនល្អដូចកីឡាករ Chelsea

ប្រែសម្រួល៖ មុន្នី រម្យ ប្រភព៖ bbc