ទឹកចិត្តគ្រូបង្រៀនពិការដៃទាំងពីរ តែខំផ្ទេរវិជ្ជាដល់សិស្ស

2015-09-09 22:45:50
ចំនួនមតិ 0 | ចំនួនចែករំលែក 0

ចន្លោះមិនឃើញ

គ្រូបង្រៀនម្នាក់នៅប្រទេសចិន កំពុងធ្វើឲ្យមនុស្សជាច្រើនកោតសរសើរយ៉ាងខ្លាំង ព្រោះលោកបានដាក់ចិត្តផ្ទេរវិជ្ជាដល់សិស្សសាលាបឋមសិក្សា បើទោះបីពិការដៃទាំងសងខាងក្ដី។

គ្រូបង្រៀនដ៏កម្សត់មានឈ្មោះ Jiang Shengfa អាយុ ៤១ឆ្នាំ និងកំពុងបង្ហាត់បង្រៀនសិស្សនៅភូមិមួយក្នុងប្រទេសចិន។ ដៃទាំងសងខាងរបស់លោកគ្រូ Jiang ត្រូវបាត់បង់ក្នុងគ្រោះថ្នាក់ឆក់អគ្គិសនីតាំងពីឆ្នាំ១៩៩៦។ តាមសារព័ត៌មានចិន CCTV បានឲ្យដឹងថា បន្ទាប់ពីរៀនរស់នៅដោយគ្មានដៃបានដូចធម្មតា លោក Jiang បានបន្តអាជីពជាគ្រូបង្រៀន។ លោកបានក្លាយជាគ្រូជំនួស នៅសាលាបឋមសិក្សា Yunnan ដែលលោករស់នៅអស់រយៈ ១២ឆ្នាំមកហើយ។

លោកគ្រូ Jaing ត្រូវបើកសៀវភៅដោយប្រើមាត់ ហើយសរសេរដីសលើក្ដារខៀនដោយការចងភ្ជាប់នៅដៃខាងស្ដាំ។ រឿងរ៉ាវគ្រូបង្រៀនពិការដៃទាំងសងខាងនេះ បានឆក់យកបេះដូងមនុស្សជាច្រើន។ បន្ទាប់ពីសារព័ត៌មាននានាធ្វើការចុះផ្សាយកាលពី ២ឆ្នាំមុន លោក Jiang ត្រូវវិទ្យាស្ថាន Hunan ហៅទៅបង្រៀន ដោយផ្ដល់ប្រាក់ខែខ្ពស់ជាងមុន ប៉ុន្តែលោកបានបដិសេធ ព្រោះចង់រស់នៅស្រុកកំណើតជាង៕