រំភើបចិត្ត! លោកតាឈរកាន់បាច់ផ្កា ទទួលលោកយាយនៅព្រលានយន្តហោះ

2015-09-10 16:04:43
ចំនួនមតិ 0 | ចំនួនចែករំលែក 0

ចន្លោះមិនឃើញ

វីដេអូមួយបង្ហាញពីលោកតាឈរកាន់បាច់ផ្ការង់ចាំលោកយាយជាគូស្នេហ៍នៅព្រលានយន្តហោះ កំពុងល្បីល្បាញពេញអ៊ីនធឺណិត ដោយមានអ្នកបើកមើលរហូតដល់ជាង ៦០លានដងលើបណ្ដាញទំនាក់ទំនងសង្គមហ្វេសប៊ុក។

វីដេអូគួរឲ្យរំភើបចិត្តនេះ ត្រូវលួចថតបាននៅព្រលានយន្តហោះ LAX ក្រុង Los Angeles សហរដ្ឋអាមេរិក។ លោកតាចំណាស់ម្នាក់ ដែលមានសក់សពេញក្បាលទៅហើយ បានស្លៀកពាក់ស្អាតបាត ឈរកាន់បាច់ផ្ការង់ចាំលោកយាយដោយភាពអន្ទះសា។ បន្ទាប់ពីឃើញវត្តមានលោកយាយមកដល់ លោកតាហាក់សប្បាយចិត្តយ៉ាងខ្លាំង ឱបគ្នាដោយភាពនឹករលឹករយៈពេលប្រមាណ ១០វិនាទី។ បន្ទាប់មកលោកតាបានថើបលោកយាយ និងជូនបាច់ផ្ការួចថើបម្ដងទៀត ទើបធ្វើដំណើរចេញពីផ្លូវ។ ទោះយ៉ាងណា អត្តសញ្ញាណគូស្នេហ៍វ័យចំណាស់នេះ មិនទាន់មានអ្នកស្គាល់នៅឡើយទេ។

បន្ទាប់ពីវីដេអូបង្ហោះឡើងលើហ្វេសប៊ុក មានមនុស្សជាច្រើនធ្វើការចែកចាយបន្ត ព្រមទាំងសរសេរពាក្យសរសើរមួយចំនួនចំពោះគូស្នេហ៍ទាំងពីរ។ ម្ចាស់គណនីហ្វេសបុកមួយឈ្មោះ Jo Headon បានសរសេរថា៖ "សុភាពបុរសពិតៗ, មនុស្សបែបនេះគ្មានច្រើនទេ"។ ចំណែកម្ចាស់គណនី YouTube ម្នាក់បានយកវីដេអូនេះទៅបង្ហោះ ដោយសារអមថា៖ "ពេលអ្នកកាន់តែចាស់ ទើបអ្នកដឹងកាន់តែច្បាស់ថា មិនសំខាន់អ្នកមានអ្វីក្នុងជីវិតទេ តែបញ្ហានោះគឺអ្នកកំពុងមាននរណានៅក្បែរ"៕

ទស្សនាវីដេអូលោកតាកាន់បាច់ផ្ការង់ចាំលោកយាយ៖