នៅ​ព្រឹក​ថ្ងៃ​ទី​១០ ខែ​កញ្ញា ​នេះ ​ក្រុមហ៊ុន Apple បាន​ប្រកាស​​ចេញ​លក់​ផលិតផល​ថ្មី​ៗ​របស់​ខ្លួន​ជា​ច្រើន​ដូច​ជា iPhone 6s, iPhone 6s Plus, iPad Pro និង Apple TV ជា​ដើម។ ស្រប​ពេល​ជាមួយ​គ្នា​នេះ​ គេ​បាន​បង្ហាញ​វីដេអូ​ពាណិជ្ជកម្ម​ដំបូង​សម្រាប់​ទូរសព្ទ​ដៃ iPhone 6s ដែល​ក្នុង​នោះ​ក៏​មាន​វត្តមាន​របស់​តារា​ចម្រៀង​និង​សម្ដែង​អាមេរិក Selena Gomez បន្តិច​ដែរ។ ក្នុង​ឈុត​នោះ Selena បាន​បង្ហាញ​មុខ​ងារ​ថ្មី​ពិសេស​របស់ iPhone 6s ដែល​អាច​ឲ្យ​អ្នក​ប្រើប្រាស់​​បើក​ភ្លើង Flash បាន​ពេល​ថត​រូប​ដោយ​កាមេរ៉ា​មុខ (Selfie)។

ទស្សនា​វីដេអូ​នេះ​តែ​ម្ដង៖

ឆាប់​ៗ​ខាង​មុខ​នេះ​ដែរ គឺ​នៅ​ថ្ងៃ​ទី​៩ ខែ​តុលា តារា​វ័យ ២៣ឆ្នាំ Selena Gomez នឹង​ចេញ​លក់​អាល់ប៊ុម​ថ្មី​របស់​ខ្លួន ដែល​មាន​ឈ្មោះ​ថា “Revival” ដែល​ជា​អាល់ប៊ុម​ទោល​ទី​ពីរ​របស់​នាង​ បន្ទាប់​ពី​អាល់ប៊ុម​ "Star Dance” បាន​ចេញ​តាំង​ពី​ឆ្នាំ​២០១៣។ កាល​ពី​ម្សិលមិញ នាង​បាន​បង្ហោះ​រូបថត​អាក្រាត​មួយ​សន្លឹក ដើម្បី​ជា​ការ​ផ្សព្វផ្សាយ​អាល់ប៊ុម​ថ្មី​នេះ ៕

ចុចអាន៖Selena Gomez ប៊ិះ​លេច​ដើម​ទ្រូង​​ទាំង​អស់​ពេល​ស្លៀក​រ៉ូប​ខើច​​ ថត​រឿង​ថ្មី

ដោយ៖ វ៉ាន់ថន វីដេអូ៖ Apple Youtube