Jay Z នាំ Beyonce ទៅលេងសមុទ្រដើម្បីបញ្ចប់មន្ទិលសង្ស័យរឿងលែងលះ

2015-09-11 16:35:42
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីថ្ងៃព្រហស្បតិ៍ម្សិលមិញ តារាចម្រៀងរ៉េបអាមេរិក Jay Z បាននាំភរិយា Beyonce និងកូនស្រីសំណព្វចិត្ត Blue Ivy ទៅវិស្សមកាលកម្សាន្តនៅឯប្រទេសអ៊ីតាលីដើម្បីបញ្ចប់ភាពសង្ស័យ ក្រោយលេចឮដំណឹងថា មួយរយៈចុងក្រោយនេះគូស្នេហ៍យូរឆ្នាំទាំង២ដើរដល់ផ្លូវបំបែក ។

គ្រួសាររបស់ Jay Z បានចាកចេញពីទឹកដីអាមេរិកទៅកម្សាន្តក្នុងតំបន់អឺរ៉ុបជាមួយគ្រួសារតារាចម្រៀងអាមេរិក Kelly Rowland មួយក្រុមទៀត ដែលពូកគេគឺជាមិត្តស្និទ្ធស្នាលនឹងគ្នា។ គ្រួសារទាំងពីរបានជិះទូកកម្សាន្តទំនើបមួយជុំគ្នាយ៉ាងសប្បាយរីករាយនៅជុំវិញកោះ Capri ប្រទេសអ៊ីតាលី។

តាមរយៈរូបភាព Jay Zនិង Beyonceបានផ្ដល់ស្នាមញញឹមនិងសើចលេងជាមួយគ្នាយ៉ាងសប្បាយ ខណៈកំពុងជិះទូកកម្សាន្តលើសមុទ្រពណ៌ស្រស់ថ្លា។ ទង្វើទាំងអស់នេះអាចសបញ្ជាក់ថាស្នេហ៍របស់អ្នកទាំងពីរគឺគ្មានបញ្ហាប្រេះស្រាំអ្វីឡើយ។

នាពេលថ្មីកន្លងទៅ ក្រោយមានដំណឹងថាពួកគេចង់លែងលះគ្នា Jay Zក៏បានទៅលួចមើលការប្រគំតន្ត្រីរបស់ប្រពន្ធរបស់ខ្លួន នៅឯទីក្រុង Philadelphia រដ្ឋPennsylvania សហរដ្ឋអាមេរិកដែរ ៕