ភ្នាក់ងារ Martial បន្ទោស Wenger ថាមិនចេះមើលកីឡាករ
- 2015-09-25 15:49:30
- ចំនួនមតិ 0 | ចំនួនចែករំលែក 0
ភ្នាក់ងារ Martial បន្ទោស Wenger ថាមិនចេះមើលកីឡាករ
ចន្លោះមិនឃើញ
ភ្នាក់ងារទីផ្សាររបស់ Anthony Martial បាននិយាយបន្ទោសលោក Arsene Wenger ថាមិនចេះមើលកីឡាករណាល្អមិនល្អសោះ ព្រោះថាកាលពីរដូវកាលដោះដូរកីឡាករអ្នកចាត់ការក្រុម Arsenal រូបនេះមានឱកាសទិញយកខ្សែប្រយុទ្ធវ័យ១៩ឆ្នាំមុនលោក Louis van Gaal ទៅទៀត តែបែរជាមិនទិញយកទៅវិញ។
Martial ទើបតែបានចូលលេងឱ្យ Manchester United ៤ប្រកួតប៉ុណ្ណោះ ប៉ុន្តែរូបគេអាចរកគ្រាប់បាល់បាន៤គ្រាប់ហើយ ខណៈដែលគ្រាប់បាល់នោះដែរគឺសុទ្ធតែជាគ្រាប់សំខាន់ទាំងអស់ ពោលគឺជួយបិសាចក្រហមឈ្នះ Liverpool , Southampton និងឡើងទៅវគ្គបន្តពានរង្វាន់ Capital One Cup ។
ចំពោះទម្រង់លេងល្អនេះដែរ លោក Philippe Lamboley ភ្នាក់ងាររបស់ខ្សែប្រយុទ្ធវ័យ១៩ឆ្នាំខាងលើបានបញ្ជាក់ថាពិតជាសក្ដិសមនឹងតម្លៃខ្លួន៣៦លានផោនខ្លាំងណាស់ ហើយសូមចូលរួមសោកស្ដាយដល់លោក Wenger ផងដែរ ដែលមានឱកាសមុនគេទិញយកទៅហើយ តែបែរជាមិនទិញយកទៅវិញ ដោយគិតថាអតីតកីឡាករ Monaco រូបនេះលេងបានតែបម្រើស្លាបប៉ុណ្ណោះ។
Philippe បានបន្ថែមទៀតថា៖ “Anthony ជាខ្សែប្រយុទ្ធកណ្ដាលមុតស្រួចខ្លាំងណាស់ ដែលអាចលេងតំបន់ផ្សេងទៀតក៏បាន។ ខ្ញុំពិតជាភ្ញាក់ផ្អើលចំពោះការគិតរបស់ Arsene Wenger ដែលធ្លាប់ស្គាល់ Anthony តាំងពីតួច។ ក្នុងវិស័យបាល់ទាត់ អ្នកចាត់ការណាដែលស្គាល់កីឡាករតាំងពីដើមមក ហើយឃើញថាគេមានទេពកោសល្យហើយនោះគឺតែងតែទិញយកហើយ មិនមែនបោះបង់នោះទេ”៕
ចុចអាន៖ “Martial ផ្ដល់អ្វីដែល Man Utd មិនធ្លាប់មានរយៈពេល២ឆ្នាំនេះ”
ប្រែសម្រួល៖ មុន្នី រម្យ ប្រភព៖ mirror