Mark Zuckerburg ចង់ឲ្យមនុស្សទូទាំងពិភពលោកមានអ៊ីនធឺណិតប្រើប្រាស់ដើម្បីអាចងើបចេញពីភាពក្រីក្រ
- 2015-09-28 18:23:22
- ចំនួនមតិ 0 | ចំនួនចែករំលែក 0
Mark Zuckerburg ចង់ឲ្យមនុស្សទូទាំងពិភពលោកមានអ៊ីនធឺណិតប្រើប្រាស់ដើម្បីអាចងើបចេញពីភាពក្រីក្រ
ចន្លោះមិនឃើញ
លោក Mark Zuckerburg បានឡើងថ្លែងសន្ទរកថាលើវេទិកាអង្គការសហប្រជាជាតិកាលពីថ្ងៃសៅរ៍កន្លងទៅថា លោកចង់ឲ្យមនុស្សទូទាំងពិភពលោកភ្ជាប់ទំនាក់ទំនងគ្នាតាមរយៈអ៊ីនធឺណិតនៅត្រឹមឆ្នាំ២០២០ខាងមុខនេះ។
លោក Mark បានលើកឡើងថា ប្រព័ន្ធអ៊ីនធឺណិតគឺជាឧបករណ៍មួយសម្រាប់ធ្វើការចែករំលែកចំណេះដឹងទៅវិញទៅមក, សម្រាប់បង្កើតឱកាស, អាចលើកស្ទួយសហគមន៍ចេញពីភាពក្រីក្រ និងលើកកម្ពស់សុខសន្តិភាពក្នុងតំបន់។ អ្នកទាំងអស់គ្នាបានដឹងហើយថា អ៊ីនធឺណិតគឺជាកត្តាជំរុញដ៏ចាំបាច់មួយចំពោះការងារ ភាពរីកចំរើន និងឱកាសដ៏មានតម្លៃ។ ហើយការស្រាវជ្រាវមួយបានបង្ហាញថា មនុស្ស១០នាក់ដែលមានអ៊ីនធឺណិតប្រើប្រាស់ គឺមានមួយនាក់ដែលអាចងើបចេញពីភាពក្រីក្រ។
ដូចនេះប្រសិនបើប្រជាជនរស់នៅក្នុងប្រទេសកំពុងអភិវឌ្ឍន៍មានអ៊ីនធឺណិតប្រើប្រាស់កាន់តែច្រើននោះ គេអាចមានឱកាសបង្កើតការងារថ្មីចំនួន១៤០លានការងារ អាចឲ្យមនុស្សចំនួន១៦០លាននាក់ងើបចេញពីភាពក្រីក្រ និងអាចឲ្យកុមារចំនួន៦០០លាននាក់មានទទួលបានចំណេះដឹងទូលំទូលាយ។
គួរបញ្ជាក់ថា ស្ថាបនិកហ្វេសប៊ុករូបនេះបានចាប់ផ្ដើមយុទ្ធនាការសាកលមួយ ដើម្បីផ្ដល់ប្រព័ន្ធអ៊ីនធឺណិតទៅដល់ប្រជាជនទាំងអស់លើពិភពលោក។ យុទ្ធនាការនេះក៏មានការចូលរួមពី មូលនិធិ Bill and Melinda Gates, តារាចម្រៀង Bono, មហាសេដ្ឋី Richard Branson និង តារាចម្រៀង Shakira ផងដែរ៕
ចុចអាន៖ Facebook អត់ដំណើរការម្សិលមិញអ្នកប្រើប្រាស់ ១,៥ ពាន់លាននាក់លេងអត់កើត
ប្រែសម្រួល៖ ហៃ សុខហេង ប្រភព៖ TimesofIndia