តារាសម្ដែងប្រុស ស្រីថៃល្បីៗ១០រូបដែលជាកូនកាត់អាស៊ីនិងអឺរ៉ុប
- 2015-09-29 13:20:08
- ចំនួនមតិ 0 | ចំនួនចែករំលែក 0
តារាសម្ដែងប្រុស ស្រីថៃល្បីៗ១០រូបដែលជាកូនកាត់អាស៊ីនិងអឺរ៉ុប
ចន្លោះមិនឃើញ
សព្វថ្ងៃនេះ ការទៅរស់នៅក្រៅប្រទេស រៀបការជាមួយជនជាតិបរទេសមិនមែនជារឿងចម្លែកទៀតទេសម្រាប់មនុស្សទូទៅរួមទាំងបណ្ដាប្រទេសនៅទ្វីបអាស៊ីផងដែរ។ កូនកាត់ច្រើនសាសន៍តែងតែទទួលបានចំណាប់អារម្មណ៍ដោយសារតែសម្រស់ស្អាតប្លែក ដោយកាត់រវាងលោកខាងកើតនិងលោកខាងលិច។ ខាងក្រោមនេះជាតារាល្បីឈ្មោះមួយចំនួនរបស់ប្រទេសថៃ ដែលមានសម្រស់ស្អាតប្លែកពីការលាយឡំរបស់វប្បធម៌ជាច្រើន។
១. Chompoo Araya
Araya ជាកូនកាត់បីសាសន៍ ឡាវ ថៃ និង អង់គ្លេស។ សម្រស់របស់តារាសម្ដែងរូបនេះត្រូវបានកាត់យ៉ាងសមសួនរវាងអាស៊ីនិង អឺរ៉ុប។ Chompoo មិនត្រឹមតែត្រូវបានគេសរសើរដោយសម្រស់របស់ខ្លួននោះទេ តារាវ័យ ៣៤ ឆ្នាំរូបនេះត្រូវបានគេទទួលស្គាល់ថា មានទេពកោសល្យជាច្រើននៅក្នុងរង្វង់សិល្បៈផងដែរ។
២. Nadech Kugimiya
Nadech Kugimiya តែងតែប្រាប់គេថា ខ្លួនកាត់ពីរសាសន៍គឺ ថៃ និង ជប៉ុន។ តែការពិតម្ដាយរបស់តារារូបនេះគឺជនជាតិថៃនិងឪពុកគឺជនជាតិអូទ្រីស។ Nadech ទទួលស្គាល់ថា ខ្លួនជាជនជាតិ ជប៉ុន ដើម្បីបង្ហាញពីការដឹងគុណរបស់ខ្លួនដល់មីងបង្កើតនិងប្ដីជនជាតិ ជប៉ុនរបស់គាត់។ អ្នកទាំងពីរបានចិញ្ចឹមបីបាច់ Nadech ដូចជាកូនបង្កើតរបស់ខ្លួន។ ដោយសារតែសមត្ថភាពក៏ដូចជាសម្រស់ស្រស់សង្ហារបស់ខ្លួន Nadech ឥលូវនេះជាតារាមួយក្នុងចំណោមតារាដែលមានឥទ្ធិពលជាងគេក្នុងពិភពសិល្បៈថៃ។
៣. Yaya Urassaya Sperbund
Yaya ជាតារាសម្ដែងរលកក្រោយរបស់វិស័យភាពយន្តថៃ។ តារាសម្ដែងរូបនេះក៏ជាតារាសម្ដែងស្រីដែលឧស្សាហ៍ព្យាយាមក្នុងការថតរឿងជាងគេ ដោយធ្លាប់លេងរឿងភាគបានប្រហែល ១៤ រឿង។ មិនចាញ់តារារៀមច្បងដទៃទៀត Yaya ជាម្ចាស់ពានរង្វាន់ជាច្រើនក្នុងនោះរួមមាន តារាដែលមានសក្ដានុពល (២០១១) តួឯកស្រីល្បីឈ្មោះជាងគេ (២០១២) តារាសម្ដែងស្រីល្អជាងគេ (២០១២)។ Yaya ជាកូនកាត់ពីរសាសន៍គឺថៃ និងន័រវែស។
៤. Kimmy Kimberley
Kimmy Kimberley សព្វថ្ងៃជាតារាស្រីដែលមានឈ្មោះល្បីខ្លាំងនៅប្រទេសថៃ។ តារាដែលមានអាយុ ២៣ ឆ្នាំរូបនេះជាកូនកាត់ អាល្លឺម៉ង់ និង ថៃ។ ជាមួយនឹងជោគជ័យនៅក្នុងអាជីពរបស់ខ្លួន ជីវិតឯកជនរបស់ Kimmy ក៏ត្រូវបានគេចាប់អារម្មណ៍មិនស្ទើរដែរ បន្ទាប់ពីសម្ដែងរឿង "Aeb Rak Online” ជាមួយតារាសម្ដែងប្រុស Mark Prin រួចមក ពួកគេបានក្លាយជាគូសង្សារនឹងគ្នានៅខាងក្រៅមែន។
៥. Sririta Jensen
Sririta មានកំណើតនៅប្រទេសថៃដោយមានម្ដាយជាជនជាតិថៃនិងឪពុកជាវិស្វករជនជាតិ ដាណឺម៉ាក។ តារាសម្ដែងនេះឈានជើងចូលវិថីសិល្បៈដំបូងដោយចាប់អាជីពជាអ្នកបង្ហាញម៉ូដ។ ដោយមានសម្រស់ដូចជនជាតិអឺរ៉ុបគួបផ្សំជាមួយនឹង ភាពអាថ៌កំបាំងរបស់អាស៊ី Sririta ត្រូវបានសារព័ត៌មានចាប់អារម្មណ៍យ៉ាងឆាប់រហ័ស និងតែងតែបង្ហាញខ្លួននៅលើគ្របមុខរបស់ទស្សនាវដ្ដីទាំងក្នុងនិងក្រៅប្រទេស។
៦. Peter Corp Dyrendal
តារាសម្ដែងនិងចម្រៀង Peter Corp Dyrendal ជាកូនកាត់ពីរសាសន៍ ថៃ និង ដាណឺម៉ាក។ Peter ធ្លាប់ត្រូវបានគេបោះឆ្នោតជាតារាប្រុសដែលមានរូបរាងស្អាតជាងគេក្នុងប្រទេសថៃ។ Peter និងមិត្តស្រី Ploy បានរៀបការនិងមានកូនប្រុសមួយជាមួយគ្នា។ សព្វថ្ងៃពួកនៅតែរស់នៅប្រកបដោយសុភមង្គលក៏ដូចជានៅតែបន្តសកម្មភាពក្នុងសិល្បៈរបស់ខ្លួន។
៧. Sara Legge
Sara Legge ជាអ្នកបង្ហាញម៉ូដ និង តារាសម្ដែងកើតឆ្នាំ ១៩៨៤ នៅចក្រភពអង់គ្លេស។ តារាសម្ដែងអាយុ ៣១ ឆ្នាំនេះមានច្រមុះខ្ពស់ បបូរមាត់ក្រាស់ ភ្នែកធំ និងរោមភ្នែកវែងង គឺដូចនឹងសាសន៍អឺរ៉ុបពិតៗ។ Sara ធ្លាប់ចូលរួមសម្ដែងក្នុងរឿងមួយចំនួនដូចជា "Rad Jad Te”, “Kratuk Nuad Seua” និង "Tai Rom Bai Pak” ជាដើម។
៨. Mario Maurer
រាជបុត្រភាពយន្តថៃ Mario Maurer ត្រូវបានទស្សនិកជននៅក្នុងបណ្ដាប្រទេសអាស៊ីជាច្រើនគាំទ្រ ដោយសារភាពយន្តដែលខ្លួនបានសម្ដែងដូចជា "Friendship”, “First Love”, “Pee Mak”...។ តារាសម្ដែងនេះមានអ្នកគាំទ្រច្រើនលើសលុបដែលតារារូបណាក៏ប៉ងចង់បាន។ Mario កើតឆ្នាំ ១៩៨៨ និងជាកូនកាត់បីសាសន៍ អាល្លឺម៉ង់ ចិន និង ថៃ។
៩. Mai Davika Horne
Mai Davika Horne កើតឆ្នាំ ១៩៩២ តារាសម្ដែងរូបនេះជាកូនកាត់រវាងថៃ និងបែលហ្សិក។ តាមរយៈភាពយន្ត "Pee Mak” កេរ្តិ៍ឈ្មោះរបស់ Mai កាន់តែមានភាពល្បីល្បាញពីមួយថ្ងៃទៅមួយថ្ងៃ។ ថ្មីៗនេះ Mai ត្រូវរងការចោទប្រកាន់ថាដណ្ដើមសង្សារ និង វះកាត់កែសម្ផស្សជាដើម ដែលជាមូលហេតុធ្វើឲ្យជីវិតឯកជនរបស់តារាមួយនេះត្រូវបានគេតាមដានជាងគេ។
១០. New Chaiyapol Pupart
តារាសម្ដែងវ័យ ២៥ឆ្នាំរូបនេះក៏ជាកូនកាត់ថៃ បែលហ្សិក ដូចជា Mai Davika ដែរ។ ដោយមានរូបរាងទាក់ទាញជាមួយសាច់ដុំមាំដែរនោះ New បានលេចមុខលើទស្សនាវដ្ដីជារឿយៗ និងបានសម្ដែងភាពយន្តល្បីៗមួយចំនួនដូចជារឿង "The Scar” , “Threesome” និង "Love You 100k” ជាដើម៕
ចុចអាន៖រូបក្រមួនរបស់តារាល្បីអាស៊ីរូបណាមើលទៅដូចរូបដើមជាងគេ?
ចុចអាន៖មើលតារាថៃល្បីៗពេលនៅរៀននិងឥលូវផ្លាស់ប្ដូរយ៉ាងណាខ្លះ?
ប្រែសម្រួល៖ សុវណ្ណផៃ ប្រភព៖ kenh14