ផ្ទះល្វែងនៅកីឡដ្ឋានចាស់ Arsenal ដាក់លក់ជាង១លានដុល្លារ

2015-09-28 22:37:19
ចំនួនមតិ 0 | ចំនួនចែករំលែក 0

ចន្លោះមិនឃើញ

ផ្ទះល្វែងមួយខ្នង ដែលមានទីតាំងនៅកីឡដ្ឋានចាស់ Highbury របស់ក្រុម Arsenal បានប្រកាសលក់ហើយ នូវតម្លៃ៦៦ម៉ឺនផោន (ជាង១លានដុល្លារ)។

កីឡដ្ឋានចាស់របស់ក្រុមកាំភ្លើងធំ Highbury នៅភាគខាងជើងទីក្រុងឡុងដុង ដែលបើកដំណើរការតាំងពីឆ្នាំ១៩១៣នេះ បានប្រែក្លាយទៅជាផ្ទះល្វែងវិញ បន្ទាប់ពីពួកគេប្ដូរកីឡដ្ឋានថ្មីទៅ Emirates កាលឆ្នាំ២០០៦។

បើតាមការប្រកាសលក់របស់វែបសាយ Zoopla បានឲ្យដឹងថា ផ្ទះល្វែងដែលមានការរចនាឡើងលេងម៉ូដ Arsenal Football Club នេះ មានបន្ទប់គេងធំៗចំនួន២, កន្លែងចតឡានមួយយ៉ាងសុវត្ថិភាព, មានចំនួន៣ជាន់, ផ្ទះបាយបែបទំនើប, សួនច្បារជាមួយទីលានបាល់ទាត់ និងមានផ្សារទំនើប ភោជនីយដ្ឋាន ក្បែរៗនោះជាច្រើន ងាយស្រួលសម្រាប់អ្នកស្នាក់នៅ ជាពិសេសគឺសម្រាប់អ្នកគាំទ្រក្រុម Arsenal តែម្ដង។

Highbury ក៏ជាទឹកដីចាស់របស់ Arsenal ដែលពួកគេធ្លាប់លើកពាន Premier League លើកចុងក្រោយនៅឆ្នាំ២០០៤ ផងដែរ ហើយតាំងពីប្ដូរទៅកីឡដ្ឋានថ្មី ពួកគេមិនទាន់ឈ្នះពានលីកកំពូលអង់គ្លេសទៀតឡើយ៕