Google បង្ហាញទូរសព្ទជំនាន់ថ្មីសាកថ្មតែ១០នាទីប្រើបាន៧ម៉ោង

2015-09-30 17:23:50
ចំនួនមតិ 0 | ចំនួនចែករំលែក 0

ចន្លោះមិនឃើញ

ទើបតែកន្លងទៅប៉ុន្មានម៉ោងមុននេះ ក្រុមហ៊ុន Google បានធ្វើការប្រកាសនូវផលិតផលថ្មីរបស់ខ្លួនដោយក្នុងនោះគេឃើញមានទូរសព្ទចំនួនពីរម៉ូដែលផងដែរ។

ទូរសព្ទទាំងពីរម៉ូដែលនោះគឺ Nexus 5x ដែលសហការផលិតជាមួយក្រុមហ៊ុន LG និងមួយម៉ូដែលទៀត Nexus 6P សហការផលិតជាមួយក្រុមហ៊ុន Huawei។ អ្នកតំណាងក្រុមហ៊ុន Google បានឲ្យដឹងថា ទូរសព្ទទាំងពីរម៉ូដែលនេះដំណើរការដោយប្រព័ន្ធប្រតិបត្តិការ Android Marshmallow ជំនាន់ថ្មីដំបូងគេបង្អស់ ហើយនឹងចេញលក់ជាផ្លូវការនៅក្នុងខែតុលាខាងមុខនេះ។

Google Nexus 6P៖ បច្ចេកវិទ្យាថ្មីៗដែលគេបានបំពាក់លើទូរសព្ទនេះមានដូចជារន្ធ USB ជំនាន់ថ្មី Type-C ជំនួសឲ្យរន្ធ micro-USB។ ក្រុមហ៊ុនបានបំពាក់មុខងារស្កេនក្រយៅដៃផ្នែកខាងក្រោយនៃទូរសព្ទ ដែលប្រើសម្រាប់ដោះសោទូរសព្ទ។ ចំពោះម៉ាស៊ីនវិញគេបានបំពាក់នូវបន្ទះ Chip Snapdragon 810SoC មានល្បឿនដល់ទៅ២,០GHz ដោយបន្ទះ Chip នេះនឹងមិនធ្វើឲ្យទូរសព្ទឡើងកម្ដៅខ្លាំងនោះទេ។ ចំណុចពិសេសមួយទៀតនោះគឺថាមពលថ្ម ដោយសាកត្រឹមតែ១០នាទីអាចប្រើប្រាស់បានរយៈពេលដល់ទៅ៧ម៉ោងឯណោះ។

លក្ខណៈសម្បត្តិបន្ថែម៖ -អេក្រង់៖ ប្រភេទ Quad Hdទំហំ៥,៧អ៊ីញ, ដង់ស៊ីតេ៥១៨ppi និង Resolution ១៤៤០x២៥៦០ភិចស្សែល -Processor៖ Snapdragon 810SoC ល្បឿន ២,០GHz -RAM៖ ទំហំ៣GB -អង្គចងចាំ៖ ៣២GB, ៦៤GB និង ១២៨GB មិនមានរន្ធសម្រាប់បន្ថែមទំហំ -កាមេរ៉ា៖ ខាងក្រោយទំហំ១២,៣MP, f/2.0 Aperture, Laser Detect Auto-Focus និង ខាងមុខទំហំ៨MP -ថាមពលថ្ម៖ ៣៤៥០mAh -វិមាត្រ៖ ១៥៩,៣ x ៧៧,៨ x ៧,៣ម.ម, ទម្ងន់១៧៨ក្រាម -តម្លៃ៖ ៤៩៩ដុល្លារ(៣២GB), ៥៤៩ដុល្លារ( ៦៤GB) និង ៦៤៩ដុល្លារ(១២៨GB)

Google Nexus 5x៖ ដូចគ្នាទៅនឹង Nexus 6P ដែរ ក្រុមហ៊ុនបានផ្លាស់ប្ដូរពីរន្ធ micro-USB ទៅជារន្ធ USB Type-C វិញចំពោះទូរសព្ទម៉ូដែលនេះ។ ផ្នែកខាងក្រោយរបស់ទូរសព្ទក៏មានបំពាក់នូវមុខងារស្កេនក្រយៅដៃសម្រាប់ធ្វើការចាក់សោនិងដោះសោទូរសព្ទផងដែរ។ ក្រុមហ៊ុនមិនបានបញ្ជាក់ទេថា ថ្មទូរសព្ទនេះអាចប្រើប្រាស់បានរយៈពេលប៉ុន្មានម៉ោងបន្ទាប់ពីសាករយៈពេល១០នាទីនោះ។

លក្ខណៈសម្បត្តិបន្ថែម៖ -អេក្រង់៖ ទំហំ៥,២អ៊ីញ, ដង់ស៊ីតេ៤២៣ppi និង Resolution ១០៨០x១៩២០ភិចស្សែល -Processor៖ Snapdragon 808 ល្បឿន ២,០GHz -RAM៖ ទំហំ២GB -អង្គចងចាំ៖ ១៦GB, និង ៣២GB មិនមានរន្ធសម្រាប់បន្ថែមទំហំ -កាមេរ៉ា៖ ខាងក្រោយទំហំ១២,៣MP, f/2.0 Aperture, Laser Detect Auto-Focus និង ខាងមុខទំហំ៥MP -ថាមពលថ្ម៖ ២៧០០mAh -វិមាត្រ៖ ១៤៧ x ៧២,៦ x ៧,៩ម.ម, ទម្ងន់១៣៦ក្រាម -តម្លៃ៖ ៣៧៩ដុល្លារ(១៦GB) និង ៤២៩ដុល្លារ( ៣២GB)