មានស្នាមជ្រួញលើផ្ទៃថ្ងាស គួរធ្វើបែបណា?

2015-10-02 21:04:23
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្នាមជ្រីវជ្រួញនៅលើស្បែកជាបញ្ហាមួយនៃសម្រស់ ជាពិសេសស្នាមផ្នត់នៅលើថ្ងាស ដែលធ្វើឲ្យផ្ទៃមុខបាត់បង់សោភ័ណភាពពិសេសសម្រាប់នារីៗតែម្ដង។ ដើម្បីបំបាត់ស្នាមទាំងនោះ អ្នកអាចអនុវត្តវិធីសាស្ត្រមួយចំនួនខាងក្រោមនេះ៖

១. កម្ដៅ

កម្ដៅឧណ្ហៗជាវិធីសាស្ត្រមួយអាចកម្ចាត់ស្នាមជ្រីវជ្រួញលើថ្ងាសតាមធម្មជាតិបាន។ យកកន្សែងដៃជ្រលក់ទឹកក្ដៅខណ្ឌៗពូតឲ្យស្ងួតឲ្យសស់ទឹក រួចយកមកដាក់លើថ្ងាស។ ទុករយៈពេល១៥នាទី និងធ្វើដដែលៗពីរដងទៀត។ អនុវត្តរៀងរាល់ថ្ងៃ អ្នកនឹងឃើញពីប្រសិទ្ធភាពរបស់វា។

២. ទឹកបន្លែ ទឹកបន្លែជួយឲ្យស្បែកបន្តឹងបាន។ យកការ៉ុត និងត្រសក់ ចិតសំបកឲ្យស្អាត រួចកិនចូលគ្នាជាល្បាយ។ យកល្បាយទឹកបន្លែមកលាបត្រង់ផ្នែកស្នាមជ្រីវជ្រួញនៃថ្ងាស រួចលាងសម្អាតទឹកចេញពេលស្ងួត។ ធ្វើបែបនេះពីរដងក្នុងមួយសប្ដាហ៍រហូតកន្លែងស្នាមជ្រីវជ្រួញបាត់បង់។

៣. ម្សៅគ្រាប់ធញ្ញជាតិ Oatmilk

យកល្បាយ Oat milk (អាចរកទិញបាននៅតាមផ្សារទំនើបនានា) មកលាបលើថ្ងាសត្រង់ផ្នែកជ្រីវជ្រួញ រួចម៉ាស្សាថ្នមៗ និងលាងសម្អាតទឹកចេញ។ អនុវត្តរៀងរាល់ថ្ងៃ នឹងឃើញលទ្ធផល។

៤. ប្រេងប្រទាលកន្ទុយក្រពើ (Aloe Vera)

ប្រេងប្រទាលកន្ទុយក្រពើ មានសារធាតុដែលជួយបន្តឹងស្បែកបំបាត់ស្នាមជ្រីវជ្រួញ។ ដើម្បីឲ្យមានប្រសិទ្ធភាពអ្នកអាចបន្ថែមលាយជាមួយស៊ុតរួចមកលាបត្រង់កន្លែងជ្រីវជ្រួញ។ អនុវត្តរហូតដល់ទទួលបានប្រសិទ្ធភាព។

៥. ទឹកទំពាំងបាយជូរ និងទឹកឃ្មុំ

ទឹកទំពាំងបាយជូរជួយផ្ដល់សំណើមដល់ស្បែក ចំណែកទឹកឃ្មុំជាផលិតផលធម្មជាតិពិសេសជួយស្បែកឲ្យស្អាត។ លាយទឹកទំពាំងបាយជូរជាមួយទឹកឃ្មុំរួចលាបវានៅត្រង់កន្លែងជ្រីវជ្រួញនៃថ្ងាស។

៦. ប្រេងអូលីវ

អ្នកជំនាញជាច្រើនបានឲ្យដឹងថាប្រេងអូលីវ អាចជួយកម្ចាត់ស្នាមជ្រីវជ្រួញ និងបណ្ដឹងស្បែកបានល្អ។ អនុវត្តដូចវិធីសាស្ត្រខាងលើដែរ ដោយលាបនៅលើថ្ងាសត្រង់កន្លែងជ្រីវជ្រួញ រហូតឃើញពីលទ្ធផលរបស់វា។

៧. ក្រូចឆ្មារ និងស៊ុត (ផ្នែកស)

យកទឹកក្រូចឆ្មារ លាយជាមួយស៊ុតផ្នែកពណ៌សមួយគ្រាប់ កូរឲ្យសព្វរហូតក្លាយជាល្បាយខាប់។ យកល្បាយនោះទៅលាបលើត្រង់ចំណុចជ្រួញនៃថ្ងាស ទុករហូតដល់ពេលស្ងួតរួចចាប់ផ្ដើមកោសវាចេញថ្មមៗបន្តិចម្ដងៗ។ ធ្វើបែបនេះពីរដងក្នុងមួយសប្ដាហ៍អ្នកនឹងទទួលលទ្ធផលប្រសើរ៕