រូប​ថត​ស្រាត​របស់ Justin Bieber ជាច្រើន​សន្លឹក​ត្រូវ​បាន​ចេញ​ផ្សាយ​ធ្វើ​ឲ្យ​អ្នក​គាំទ្រ​ជ្រួលច្របល់។ គេហទំព័រ New York Daily News ទើប​តែ​ចុះ​ផ្សាយ​កម្រង​រូបថត​អាក្រាត របស់​តារា​ចម្រៀង​វ័យ​ក្មេង Justin Bieber នៅ​ពេល​តារា​ចម្រៀង​នេះ​បាន​ទៅ​លំហែ​កាយ​នៅ​កោះ Bora Bora កាល​ពី​ថ្ងៃ​ទី​៦ ខែ​តុលា​ ​មុន​នេះ។

នៅ​ក្នុង​រូប​ទាំង​នេះ​គេ​ប្រទះ​ឃើញ​ថា តារា​វ័យ​២១​ឆ្នាំ​​​កំពុង​ដើរ​លេង​ជាមួយ​​ Jayde Pierce ដែល​គេ​សង្ស័យ​ថា​ជា​មិត្ត​ស្រី​ថ្មី​របស់​គេ។ បើ​ទោះ​បី​ជា​អ្នក​ទាំង​ពីរ​​មិន​ទាន់​ទទួល​ស្គាល់​ពី​ចំណង​ស្នេហា​នេះ​មែន​ តែ Justin បាន​បង្ហាញ​ពី​សកម្មភាព​រ៉ូមែនទិក​ទៅ​កាន់​មិត្ត​ស្រី​ ដោយ​​​បាន​ដេញ​​ហ្គីតា​ឲ្យ​នាង​ស្ដាប់​នៅ​ពេល​ព្រះ​អាទិត្យ​លិច។

ពេល​ទៅ​លេង​កោះ​នេះ Justin Bieber បាន​ដើរ​ទៅ​ដើរ​មក​ដោយ​ពេល​ខ្លះ​មាន​ស្លៀក​ឈុត​ងូតទឹក និង​ពេល​ខ្លះ​ទៀត​​គឺ​លេង​ខ្លួន​ទទេ​ស្អាត​តែ​ម្ដង។ ម្ចាស់​បទ "What Do You Mean?” ហាក់​ដូច​ជា​មិន​ចូល​ចិត្ត​ស្លៀក​ពាក់​ខោអាវ​ទេ​ ដោយ​កាល​ពី​​ខែ​កក្កដា​​មុន​នេះ តារា​ចម្រៀង​មួយ​នេះ​បាន​បង្ហោះ​រូប​អាក្រាត​របស់​ខ្លួន​ម្ដង​រួច​ទៅ​ហើយ​នៅ​ពេល​មក​លេង​កោះ Bora Bora៕

ចុចអាន៖Justin Bieber ចាត់​ទុក​​ស្នេហា​រវាង​ខ្លួន​និង Selena Gomez ដូច​ជា​អាពាហ៍ពិពាហ៍​មួយ

ចុចអាន៖Justin Bieber ស្ងាត់​ៗ​បង្ហោះ​រូប​ស្រាត​ននល​​លើ Instagram

ប្រែ​សម្រួល៖ សុវណ្ណផៃ ប្រភព៖ nydailynews