ធ្លាប់តែឃើញនារីកូរ៉េវះកាត់ស្អាតៗ ឥឡូវជួបអ្នកវះកាត់បរាជ័យវិញម្ដង

2015-10-20 20:46:50
ចំនួនមតិ 0 | ចំនួនចែករំលែក 0

ចន្លោះមិនឃើញ

កូរ៉េខាងត្បូង ត្រូវគេស្គាល់ថាជាប្រទេសមានអត្រាភាគរយអ្នកវះកាត់កែសម្ផស្សច្រើនជាងគេបំផុតក្នុងលោក បើតាមទិន្នន័យចងក្រងដោយសហគមន៍វះកាត់កែសម្ផស្សអន្តរជាតិ (ISAPS)។

អ្នកថតរូបម្នាក់ រស់នៅទីក្រុងសេអ៊ូល វ័យ ២៩ឆ្នាំ គឺនាង Ji Yeo បានប្រមូលផ្ដុំរូបថតជាច្រើនសន្លឹកដាក់ក្នុងអាល់ប៊ុមឈ្មោះ Beauty Recovery Room ដោយទាក់ទងនារីដែលបរាជ័យក្នុងការវះកាត់ តាមអនឡាញ និងស្នើសុំរូបថតពិតរបស់ពួកគេ បន្ទាប់ពីវះកាត់។ នារីប្រមាណ ១០នាក់ បានយល់ព្រមផ្ញើជូន ជាមួយលទ្ធផលគួរឲ្យភ្ញាក់ផ្អើល។ ការសម្រេចធ្វើបែបនេះ ដោយសារពួកគេត្រូវមនុស្សជុំវិញខ្លួនរិះគន់ មាក់ងាយធ្ងន់ៗ ពីរូបសម្ផស្សមិនស្អាត។

ជនជាតិកូរ៉េខាងត្បូង ក្មេងចាស់ ស្រី ប្រុស រាប់លាននាក់ ធ្លាប់ចូលបន្ទប់វះកាត់ ច្រើនជាងកន្លែងណាៗបំផុត រួមនឹងអ្នកទេសចរបរទេសជាង ៣០ម៉ឺននាក់ក្នុងមួយឆ្នាំៗផង។ អ្នកថតរូបខាងលើនេះបន្តថា តំបន់ដែលល្បីខាងគ្លីនិកវះកាត់កែសម្ផស្សស្ថិតនៅស្រុកកាងណាម ទីក្រុងសេអ៊ូល។ សូមទស្សនារូបថតពិតរបស់នារី ក្រោយវះកាត់មិនទទួលបានជោគជ័យ ខាងក្រោម៖