អ្នកសុំទានកំពូលស្អាតបំផុតលើលោក មិនឃើញមិនជឿ!

2014-10-19 16:23:44
ចំនួនមតិ 0 | ចំនួនចែករំលែក 0

ចន្លោះមិនឃើញ

ហេតុតែគ្រួសារជួបគ្រោះអាក្រក់ ស្ត្រីកើតក្នុងត្រកូលអ្នកមានស្រស់ស្អាតម្នាក់ បានធ្លាក់ខ្លួនជំពាក់បំណុលគេ រហូតក្លាយជាអ្នកសុំទានទាំងក្មេងខ្ចី។

បើមើលតាមសភាពពិត គ្មានអ្នកណាជឿថា ស្ត្រីរូបនេះជាអ្នកសុំទានទេ ហើយអ្នកលេងអ៊ីនធឺណិតជាច្រើន បានលើកឡើងថា នេះគ្រាន់តែជាការបោកបញ្ឆោត ដើម្បីឱ្យទទួលបានភាពល្បីល្បាញប៉ុណ្ណោះ។

ប៉ុន្តែមានគេហទំព័រមួយចំនួនបានអះអាងថា អ្នកសុំទានរូបស្រស់ម្នាក់នេះមានឈ្មោះថា Lorita Hanbi ជាកូនសេដ្ឋី រស់នៅទីក្រុង Pindingshan ខេត្ត Henan ប្រទេសចិន។ ក្រោយពេលឪពុកស្លាប់ដោយសារជំងឺ បំណុលទាំងប៉ុន្មាន បានធ្លាក់មកលើនាង។ ចំណែកម្ដាយចាស់ជរាមិនអាចធ្វើការកើត ហើយប្អូនប្រុសពៅកំពុងរៀននៅឡើយ។ វ័យទើបតែ១៨ឆ្នាំ Lorita មិនអាចរកការងារប្រាក់ខែខ្ពស់ ទីបំផុតនាងក៏សម្រេចចិត្ត លេងហ្គីតាសុំលុយតាមផ្លូវ។

ជុំវិញបញ្ហានេះ អ្នកលេងអ៊ីនធឺណិតម្នាក់ បានបញ្ចេញមតិថា នាងនៅក្មេងហើយស្អាតណាស់ អាចទៅធ្វើតារាបង្ហាញម៉ូដបាន។ រឿងជីវិតរបស់នារី ធ្លាប់តែស្រណុកស្រួលរូបនេះ បានធ្វើឱ្យមានការភ្ញាក់ផ្អើល ពេញបណ្ដាញអ៊ីនធឺណិត និងបណ្ដាញសង្គម។

យ៉ាងណាមិញ ប្រធានបទចំណងជើង "ថ្ងៃខ្ញុំបានជួបក្មេងស្រីស្អាត និងស្លូតត្រង់ loli” លើវេទិកាពិភាក្សាមួយ គឺមានអ្នកចូលមើលដល់ទៅ១, ៧លាននាក់ និងមាន Comment រហូតដល់៤០ទំព័រ៕