តើ E-Commerce ជាអ្វី?

2015-11-16 23:20:25
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងទិវាសប្ដាហ៍សហគ្រិនពិភពលោក សមាគមសហគ្រិនវ័យក្មេងកម្ពុជា បានបើកការជជែកមួយក្រោមប្រធានបទ "Cambodia's E-entrepreneurship” ដោយមានសួរដេញដោលយ៉ាងផុលផុស អំពីការធ្វើអាជីវកម្មតាមប្រព័ន្ធអេឡិចត្រូនិក ឬ E- Commerce។

តើ E-Commerce ជាអ្វី?

E-Commerce ជាការធ្វើអាជីវកម្មតាមប្រព័ន្ធអេឡិចត្រូនិក ឬការធ្វើអាជីវកម្មតាមអនឡាញ និងជាប្រធានបទដ៏មានសារសំខាន់មួយ ចំពោះសហគ្រិន និងអ្នកដែលចង់ក្លាយជាសហគ្រិន ហើយដើម្បីធ្វើអាជីវកម្មនេះបានគឺត្រូវ៖

-យល់ឬចេះបច្ចេកទេស (Technology) អ៊ីនធឺណិត និង បណ្ដាញសង្គម -យល់ពីអតិថិជន (អតិថិជនត្រូវការអ្វី? មិនចូលចិត្តអ្វី?) -ផលិតផល -ការគ្រប់គ្រង (ត្រូវចេះគ្រប់គ្រង) -ការផ្ដល់សេវាកម្ម -ការអង្កេត (ថាតើមានខ្វះអ្វីខ្វះដើម្បីបំពេញចន្លោះ) -ការប្ដេជ្ញាចិត្ត អត់ធ្មត់ -មានធនធានមនុស្ស ដើមទុន -មានទស្សនៈវិស័យវែងឆ្ងាយ -ត្រូវធ្វើអ្វីឱ្យដើរមុនគេ និងត្រូវទីផ្សារ

ចំណុចចាប់ផ្ដើមខាងលើនេះ គឺជាការលើកឡើងរបស់វាគ្មិនច្រើនរូបក្នុងកម្មវិធីរួមមានលោក ឃិន ម៉ារិទ្ធ ប្រធានក្រុមហ៊ុន HGS Investment លោក សេង សុភាព នាយកវិទ្យាស្ថានជាតិ Posts, Telecomes & ICT លោក Kheng Vantha ស្ថាបនិកនិងប្រធានគ្រប់គ្រងក្រុមហ៊ុន Biz Solution។

ក្នុងទិវាសប្ដាហ៍សហគ្រិនពិភពលោក ដែលធ្វើឡើងនៅ CJCC កាលពីថ្ងៃទី១៤ ខែវិច្ឆិកាកន្លងទៅ គឺមានការចូលរួមជាច្រើនពីគណៈអធិបតី និងវាគ្មិនដូចជា ឯកឧត្ដម បណ្ឌិត សុក ស៊ីផាន់ណា ទីប្រឹក្សារដ្ឋាភិបាលកម្ពុជា លោកជំទាវ ជា សិរី អគ្គនាយកធនាគារជាតិនៃកម្ពុជា លោកឧកញ៉ា សុខ ពិសិដ្ឋ ប្រធានសមាគនសហគ្រិនវ័យក្មេងកម្ពុជា និងលោក ជី សិលា អគ្គនាយកក្រុមហ៊ុន Sabay ឌីជីថល ព្រមទាំងសហគ្រិន និស្សិត និង អ្នកសារព័ត៌មានជាច្រើននាក់៕