សញ្ញា៧យ៉ាងបង្ហាញថាមិត្តភក្ដិប្រុសជិតស្និទ្ធ លង់ស្រលាញ់អ្នក

2015-11-18 21:15:38
ចំនួនមតិ 0 | ចំនួនចែករំលែក 0

ចន្លោះមិនឃើញ

ពេលខ្លះមនុស្សពីរនាក់ បុរស និងនារីជាមិត្តភ័ក្ដិជិតដិតនឹងគ្នា ក៏អាចក្លាយជាស្នេហា ជាគូសង្សារ និងឈានដល់គូអនាគតបានដែរ។ ប៉ុន្តែមុនឈានចូលដំណាក់កាលនោះ យើងពិបាកនឹងនឹកស្មានដល់ ឬមើលដឹងថាមិត្តភក្ដិប្រុសរបស់អ្នក លង់ស្រលាញ់អ្នកក្នុងន័យស្នេហានោះទេ។ យ៉ាងណាក្ដី សញ្ញាមួួយចំនួនខាងក្រោម អាចឲ្យអ្នកដឹងបាន៖

១. ធ្វើអ្វីប្លែកៗនៅពេលអ្នកនៅជាមួយអ្នកផ្សេង

គេបង្ហាញកាយវិការប្លែកៗ ព្យាយាមប្ដូរប្រធានបទអ្វីដែលអ្នកកំពុងនិយាយស្និទ្ធស្នាលជាមួយមនុស្សប្រុសម្នាក់ទៀតដោយអារម្មណ៍មិនស្រួល... អេះអុញៗ... នៅមិនស្ងៀម។ ផ្ទុយទៅវិញនៅពេលអ្នកនិយាយរកគេវិញ គេនឹងព្យាយាមបង្ហាញនូវភាពជិតស្និទ្ធរបស់គេជាមួយអ្នកដោយរីករាយ និងចង់សន្ទនាជាមួយអ្នកយូរៗ មិនចង់ឃ្លាត។

២. លះបង់វេលាសំខាន់មួយចំនួនដើម្បីនៅក្បែរអ្នក

ការងារនៅរវល់ តែគេមិនដែលបដិសេធម្ដងណាឡើយ ពេលទៅដើរជាមួយអ្នក ឬកំដរអ្នកជាមួយមិត្តភ័ក្ដិផ្សេងទៀត។ សកម្មភាពបែបនេះដូចអ្នកដឹងស្រាប់ គឺបង្ហាញថាគេយកចិត្តទុកដាក់នឹងអ្នក ចង់នៅក្បែរ និងចាត់ទុកអ្នកជាមនុស្សសំខាន់ជានិច្ចទោះបីអ្នកមិនសូវធ្វើបែបនេះដាក់គេវិញក៏ដោយ។

៣. មិត្តភ័ក្ដិ បងប្អូន ឬឪពុកម្ដាយរបស់គេសរសើរអ្នក

ពេលខ្លះមិត្តភ័ក្ដិ ឬបងប្អូនរបស់គេដែលស្គាល់អ្នកដែរ តែងនិយាយលើកសរសើរពីអ្នក ខុសពីធម្មតា និងនិយមលើកឈ្មោះគេមកបង្អាប់ជាមួយអ្នក។ ចំណុចនេះហើយមានន័យថាមិត្តភ័ក្ដិយល់ចិត្តរបស់គេចង់បង្ហាញជាសញ្ញាអ្វីមួយដល់អ្នកថា មានមនុស្សម្នាក់នៅជិតៗនេះកំពុងតែលួចស្រលាញ់អ្នកហើយ។

៤. ពេលខ្លះអ្នកចាប់បានគេកំពុងលួចមើលអ្នក

ពេលខ្លះអ្នកទាន់ពេលដែលគេលួចសម្លឹងមើលមកអ្នកដោយចៃដន្យ ជាមិត្តភ័ក្ដិនឹងគ្នាមែនតែអ្វីដែលគេចូលចិត្តលួចសម្លឹងមើលអ្នកគឺបង្ហាញទឹកមុខប្លែកៗ។ នៅពេលអ្នកសួរថា "មានរឿងអី? " គេតែងឆ្លើយតបវិញថា " គ្មានអីទេ" ….តែនៅក្នុងខ្លួនរបស់គេមានន័យចង់បង្ហាញពីអ្វីមួយចេញពីចិត្ត។

៥. តែងពិភាក្សាជាមួយអ្នកពេលមានបញ្ហាអ្វីមួយកើតឡើង

ពេលជួបបញ្ហាអ្វីមួយ ធ្វើឲ្យអារម្មណ៍មិនសប្បាយចិត្ត គេឧស្សាហ៍មកពិភាក្សាជាមួយអ្នកដើម្បីរៀបរាប់ពីទុកលំបាករបស់គេ។ ជាងនេះទៅទៀតគេតែងទទួលយកដំបូន្មានរបស់អ្នកដែលបានចែករំលែកហើយអនុវត្តតាមដោយចាត់ទុកយោបល់របស់អ្នកដំបូន្មានសំខាន់មួយសម្រាប់រូបគេជាងដំបូន្មានមិត្តភ័ក្ដិផ្សេងៗ។ ចំពោះយោបល់អ្នក គេតែងយកចិត្តទុកដាក់ស្ដាប់ និងមិនលេងសើចទៀតផង។

៦. គេតែងនិយាយអំពីឈ្មោះអ្នក

អនុស្សាវរីយ៍ជាមិត្តភក្តិនឹងអ្នក គេតែងលើកឡើង ហើយភាគច្រើនមិនដែលបាត់រូបអ្នកនឹងគេទេ ព្រោះជាមិត្តភ័ក្ដិជិតស្និទ្ធ។ គេតែងនិយាយអំពីឈ្មោះអ្នកនិងរូបគេពេលនិយាយគ្នាជាមួយមិត្តភ័ក្ដិផ្សេងទៀត។ ចាប់ផ្ដើមដោយពាក្យ "យើងទាំងពីរ" ជំនួសពាក្យ "ខ្ញុំតែឯង" មិនដែលបាត់ ហើយជាមនុស្សភេទខុសគ្នាទៀតនោះ ភាគរយច្រើនណាស់ដែលគេមានចិត្តលួចស្រលាញ់លើរូបអ្នកគួបផ្សំនិងសកម្មភាពយកចិត្តទុកដាក់ចំពោះរូបអ្នកផង។

៧. កំប្លែងលេងតែក្នុងន័យចង់ប្រាប់អ្វីម្យ៉ាងមកអ្នក

ក្នុងសកម្មភាពប្រចាំថ្ងៃអ្នកជាមិត្តភ័ក្ដិរបស់គេ ហើយតែងចំអន់គ្នាលេងតាមធម្មតា ប៉ុន្តែអ្វីដែលគេលេងសើចរហូតជាមួយអ្នកតែងព្យាយាមបង្ហាញឲ្យអ្នកដឹងពីចិត្តបន្តិចម្ដងៗ។ ពេលនោះអ្នកមើលឃើញនិងយល់ពីចិត្តរបស់គេច្បាស់ដោយឯកឯង ហើយថ្ងៃណាមួយនោះគេអាចដាច់ចិត្តហ៊ាននិយាយឬ Chat ប្រាប់អ្នកផ្ទាល់ទៀតផង... ពីមិត្តជិតស្និទ្ធក្លាយទៅជាស្នេហាមួយ៕

អត្ថបទនេះគឺសម្រាប់នារីៗប៉ុណ្ណោះ តែសម្រាប់បុរសវិញ Sabay នឹងបង្ហាញជូននាពេលក្រោយទៀត។ អាចប្រាប់បានអត់ថាតើអ្នកធ្លាប់ត្រូវបានមិត្តភក្ដិជិតស្និទ្ធលង់ស្រលាញ់? តើអ្នកអាចដឹងតាមរបៀបណាដែរ?

ចុចអាន៖ បើស្រលាញ់នារីម្នាក់ អ្នកគិតអតីតកាលរបស់នាងទេ?

ចុចអាន៖ រឿងផ្អែមល្ហែម៨យ៉ាង គួរធ្វើទៅកាន់មនុស្សជាទីស្រលាញ់ បញ្ជាក់ថាអ្នកស្រលាញ់គេខ្លាំង

ប្រែសម្រួល៖ មាន រតនា ប្រភព៖ thoughtcatalog