Pique & មិត្តស្រី Shakira ត្រូវគេគំរាមយកប្រាក់រឿងវីដេអូសិច

2015-11-19 18:38:25
ចំនួនមតិ 0 | ចំនួនចែករំលែក 0

ចន្លោះមិនឃើញ

Gerard Pique ខ្សែការពារក្រុម Barcelona និងមិត្តស្រី Shakira ត្រូវបានគេរាយការណ៍ថា មានគេយកវីដេអូសិចអ្នកទាំង២ ដើម្បីគំរាមយកប្រាក់។

Gerard Pique និងមិត្តស្រី Shakira កាន់ពានថតរូប

សារព័ត៌មានអេស្ប៉ាញ Diario Vasco បានឲ្យដឹងថា កីឡាករជម្រើសជាតិអេស្ប៉ាញ Pique ដែលមានចំណូល១៣ម៉ឺនផោនក្នុង១សប្ដាហ៍ពីក្រុមអ្នកមានបុណ្យ និងមិត្តស្រីតារាចម្រៀងប៉ុប Shakira ត្រូវបានបុគ្គលិកបម្រើការងារចាស់របស់ពួកគេ គំរាមបញ្ចេញវីដេអូសិចជាសាធារណៈ បើពួកគេមិនព្រមឲ្យលុយដ៏ច្រើនទេ។

វីដេអូ ដែលគេយកទៅគំរាមអ្នកទាំង២នេះ ត្រូវបានគេជឿថា ជាវីដេអូដែលកើតឡើងនៅក្នុងផ្ទះរបស់ពួកគេ ហើយវាខុសក្រមសីលធម៌ និងបែបអាសអាភាស។

យ៉ាងណា អ្នកតំណាងកីឡាករ Pique ម្នាក់ បានប្រាប់ដល់ Sportmail កាលពីម្សិលមិញថាហេតុការណ៍ខាងលើនេះ វាជារឿងមិនពិត ប៉ុន្តែ AS បានរាយការណ៍ថា កីឡាករវ័យ២៨ឆ្នាំ និងតារាសញ្ជាតិកូឡុំប៊ី សុំមិនបកស្រាយរឿងនេះទេ។

គូសង្សារ Gerard Pique និង Shakira បានរស់នៅជាមួយគ្នា៥ឆ្នាំមកហើយ ហើយក៏មានកូនប្រុស២នាក់ Milan និង Sasha ជាមួយគ្នាហើយដែរ៕

-ចុចអាន៖ សង្គ្រាមពាក្យសម្ដី Pique៖ “ខ្ញុំមិនសុំទោសទេ ខ្ញុំចង់ឱ្យ Real ចាញ់រហូត”

ប្រែសម្រួល៖ វិន ជីវ័ន្ត ប្រភព៖ 101greatgoals | dailymail