យល់សប្ដិមុនជួបខាងក្រៅ

2015-12-11 15:32:00
ចំនួនមតិ 0 | ចំនួនចែករំលែក 0

ចន្លោះមិនឃើញ

តាំងពីកើតមកខ្ញុំមិនដែលជឿលើសុបិននោះទេ ទើបតែពេលនេះ ទើបខ្ញុំជឿលើសុបិន។ សុបិនវាអាចក្លាយជាការពិតមែន ដោយកាលពីប៉ុន្មានខែមុនខ្ញុំបានយល់សប្ដិឃើញមនុស្សស្រីម្នាក់ដែលជាស្រីស្អាត។

គេបានមកនិយាយរកខ្ញុំ ហើយសួរខ្ញុំនូវសំនួរជាច្រើន មានសំនួរមួយនេះ បើខ្ញុំចាំមិនខុសនោះទេ គេសួរថា «តើបងឈ្មោះអីដែរ ប្រាប់អូនផងបានអត់?» ។ខ្ញុំបានតបទៅគេនៅក្នុងសុបិនវិញថា « បងឈ្មោះមង្គល (ឈ្មោះតំណាង) ចុះអូនវិញ? » មកដល់ពេលខ្ញុំសួរគេ គេក៏លែងនិយាយ ហើយខ្ញុំក៏មិនគិតអ្វីក្រៅពីអោបគេនោះទេ ហើយខ្ញុំក៏បានលើកដៃគេមកប្រៀបនឹងសម្បុររបស់ខ្ញុំ សម្បុរគេសណាស់ សរដូចសំឡី មិនដូចខ្ញុំនោះទេ។

កំពុងតែអោបស្រួលផង ម៉ាក់ក៏មកដាស់ស្រាប់តែខ្ញុំភ្ញាក់រួចក៏ដឹងថាជាការយល់សប្ដិសោះ! ពេលនោះខ្ញុំអស់ពាក្យនឹងនិយាយតែម្ដង។ ចាប់ពីថ្ងៃនោះមកខ្ញុំចង់រកមុខគេណាស់! រយៈពេល ៥ ឆ្នាំ ក្រោយមក ខ្ញុំបានទេពធីតាក្នុងសុបិននោះ។ វាជារឿងនឹកស្មានមិនដល់ ហើយអ្នកទាំងអស់គ្នាក៏អាចនឹងមិនជឿដែរ។

ខ្ញុំបានជួបគេនៅសាកលវិទ្យាល័យមួយ ទើបតែចូលរៀននាពេលថ្មីៗនេះទេ ដោយការជួបគ្នារបស់ខ្ញុំវាសឹងតែមិនជឿ និងភ្នែក ព្រោះពេលដែលខ្ញុំឈានចូលបន្ទប់រៀនភ្លាម ខ្ញុំក៏បានឃើញគេភ្លាម ដោយគេមិននិយាយរកនរណាម្នាក់ទាំងអស់ ខ្ញុំគិតក្នុងចិត្តថា បើគ្មានគេនិយាយរក ខ្ញុំនឹងនិយាយរកគេ។

(រូបតំណាង)

Manager សង្ហាផ្ដល់ឱកាសការងារលួចភ្ជាប់នឹងក្ដីស្រលាញ់

ម៉ោងចេញលេងក៏បានមកដល់ ខ្ញុំក៏សម្រេចចិត្តដើរទៅជិតគេ រួចក៏សួរគេ «តើយើងមកពីខាងណាដែរ ប្រាប់ខ្ញុំបានអត់?»។ គេក៏និយាយមកខ្ញុំវិញ «ខ្ញុំនៅភ្នំពេញ ចុះបង?» ។ ខ្ញុំបន្ត «ខ្ញុំនៅហ្នឹងដែរ តែមិនដែលឃើញយើងសោះ!»។ កិច្ចសន្ទនាក៏បានចាប់ផ្ដើម ហើយខ្ញុំពិតជារំភើបខ្លាំងណាស់ដែលគេតបមកខ្ញុំបងៗពេញៗមាត់ ហើយវាក៏ជាសំឡេងមួយដែលខ្ញុំចង់ស្ដាប់ដោយផ្ទាល់ផងដែរ។

រយៈពេលត្រឹមពេលនេះវាត្រឹមតែមួយអាទិត្យទេ ដែលខ្ញុំនិយាយរកគេ ហើយខ្ញុំគិតថានិងសុំសារភាពស្នេហ៍ប្រាប់នាងក្នុងថ្ងៃមួយ បើសិនជាឱកាសអំណោយផលខ្ញុំនិងអោបគេដូចពេលនៅក្នុងសុបិនអញ្ចឹង ។ ពេលនេះខ្ញុំស្គាល់ឈ្មោះគេហើយ តែមិនអាចប្រាប់ឈ្មោះពិតរបស់គេបាននោះទេ។ បើពេលនេះគេមើលឃើញ ខ្ញុំក៏សប្បាយចិត្តដែរ ដែលគេអានអត្ថបទមួយនេះ ហើយជាចុងក្រោយខ្ញុំចង់និយាយប្រាប់គេថា បើថ្ងៃណាមានឱកាសខ្ញុំនឹងពោលពាក្យសុំស្រឡាញ់នាង៕

ចុចអាន៖ ស្រឡាញ់ដូចគ្នា

អត្ថបទ៖ មង្គល

មានអត្ថបទពាក់ព័ន្ធនឹងមនុស្សដែលអ្នកចងចាំ ចង់ឲ្យ Sabay ចុះផ្សាយ សូមទាក់ទង៖ អ៊ីមែល៖ kong.chanvanneng@cidc.com.kh ឬ ទូរសព្ទ៖ ០១០ ៧០០ ៧២៧

ចង់ដឹងលក្ខខណ្ឌដើម្បីសរសេរផ្ញើមកកាន់ Sabay បានសូមចុចត្រង់នេះ