ក្រុមហ៊ុន ASUS ឌឺដងសម្បក Smart Battery របស់ Apple ម៉ាស្ពឹកមុខ

2015-12-11 16:02:52
ចំនួនមតិ 0 | ចំនួនចែករំលែក 0

ចន្លោះមិនឃើញ

ការចេញនូវសម្បក Smart Battery របស់ក្រុមហ៊ុន Apple កាលពីថ្ងៃអង្គារកន្លងទៅបានផ្ដល់ជាភាពភ្ញាក់ផ្អើលមួយដល់អ្នកប្រើប្រាស់មួយចំនួន ប៉ុន្តែពេលនេះស្រាប់តែមានក្រុមហ៊ុនបច្ចេកវិទ្យាល្បីមួយបានធ្វើការឌឺដងចំៗនូវសម្បកថ្មីនេះ។

ក្រុមហ៊ុន ASUS បានធ្វើការបង្ហោះរូបភាពមួយសន្លឹកក្នុងគោលបំណងចំអកឡកឡើយដល់សម្បក Smart Battery ហើយស្របពេលនោះក៏បានផ្សព្វផ្សាយពីទូរសព្ទរបស់ខ្លួនដែលមានថាមពលថ្មអាចប្រើប្រាស់បានយូរ។ ទូរសព្ទដែលក្រុមហ៊ុន ASUS បានបង្ហាញនោះគឺ Zenfone Max ដែលផ្ទុកថាមពលបាន ៥០០០mAh ហើយវាអាចប្រើប្រាស់បានយូរជាងសម្បកជំនួយថាមពលថ្ម របស់ក្រុមហ៊ុន Apple ទៅទៀត។

You don’t need that extra pack when you have the maximum power in one. #ZenFone #Max pic.twitter.com/McjMJbzij5
— ASUS (@ASUS) December 9, 2015

ក្រុមហ៊ុនបច្ចេកវិទ្យារបស់តៃវ៉ាន់មួយនេះបានសរសេរសារអមជាមួយនូវរូបភាពឌឺដងនេះដង៖ "អ្នកមិនចាំបាច់មានសម្បកជំនួយថាមពលថ្មទេ នៅពេលដែលទូរសព្ទរបស់អ្នកមានថាមពលថ្មគ្រប់គ្រាន់ទៅហើយនោះ"។

គួរបញ្ជាក់ថាការចេញសម្បកជំនួយថាមពលថ្មរបស់ក្រុមហ៊ុន Apple ក៏ត្រូវបានអ្នកប្រើប្រាស់មួយភាគធំធ្វើការរិះគន់ផងដែរ ជាពិសេសចំពោះការរចនារូបរាងដែលមានសភាពប៉ោង៕

ចុចអាន៖ ស្រោមទូរសព្ទ iPhone ថ្មីទើបតែល្បី ឥឡូវស្រាប់តែលេចមតិរិះគន់

ប្រែសម្រួល៖ ហៃ សុខហេង ប្រភព៖ RedmondPie