Town ត្រៀមចម្រៀងជាង ២០ បទ ឱ្យ គូម៉ា ផ្ទុះលើទីផ្សារ!

2014-10-22 13:00:10
ចំនួនមតិ 0 | ចំនួនចែករំលែក 0

ចន្លោះមិនឃើញ

ផលិតកម្ម Town បានរៀបចំចម្រៀងជាង ២០បទ ដើម្បីជួយ គូម៉ា ឱ្យផ្ទុះលើទីផ្សារ។

អ្នកចាត់ការទូទៅក្នុងផលិតកម្ម Town លោក មាស សុខរតនៈ និយាយថា៖ "យើងត្រៀមរួចរាល់ហើយអូន ជាង ២០ បទសម្រាប់ជួយគាត់។ ៤ បទចេញសប្ដាហ៍នេះ ហើយបទចម្រៀងមួយចំនួនទៀតផលិតកម្មកំពុងធ្វើយ៉ាងសស្រាក់សស្រាំ"។

ប្រជាប្រិយភាពអាចផ្ទុះខ្លាំងកម្រិតណានោះ អ្នកចាត់ការទូទៅមិនទាន់ហ៊ានបញ្ជាក់ទេ ដោយរង់ចាំមើលសំឡេងគាំទ្រពីមហាជនពេលបទចម្រៀងចេញលក់លើទីផ្សារ។ ក៏ប៉ុន្តែលោកបានលើកឡើងថា តាមរយៈសមត្ថភាពមានស្រាប់របស់អតីតតារាចម្រៀង M រូបនេះ នឹងធ្វើឱ្យមហាជនចាប់អារម្មណ៍។

យ៉ាងណាក៏ដោយលោក មាស សុខរតនៈ អះអាងថា Town នឹងព្យាយាមអស់ពីសមត្ថភាពក្នុងជួយ គូម៉ា ឱ្យមានប្រជាប្រិយភាពដូចតារាចម្រៀងដទៃទៀតក្នុងផលិតកម្ម។

ក្រៅតែពីការត្រៀមបទចម្រៀងផ្ដល់ជូន គូម៉ា អ្នកចាត់ការទូទៅ និង ជានិពន្ធរូបនេះនិយាយថា ផលិតកម្ម Town បានបំពាក់បំប៉នគន្លឹះផ្សេងទៀតដូចជា ការស្លៀកពាក់ ការរៀបចំឥរិយាបថ ក្រុមរាំ រួមទាំងការពត់សំឡេងបន្ថែមដើម្បីធ្វើយ៉ាងណា ដើម្បីធ្វើយ៉ាងទទួលការគាំទ្រពីទស្សនិកជន។

“យើងចង់ឱ្យគាត់ចេញមានការគាំទ្រច្រើន ដូច្នេះហើយទើបខាងផលិតកម្មត្រូវបំពេញបន្ថែមចំណុចខ្វះខាតរបស់គាត់មួយចំនួនទៀត"។ លោក មាស សុខរតនៈ បន្ថែម។

គូម៉ា ជាតារាចម្រៀងល្បីឈ្មោះម្នាក់ប្រចាំផលិតកម្មM។ លោកទើបតែបោះជំហានមកកាន់ផលិតកម្ម Town កាលពីពេលថ្មីៗ ដោយកុងត្រារយៈពេល ៥ ឆ្នាំ។ ក្នុងចំណោមចម្រៀងជាង ២០ បទ មាន បួនបទដែល Town នឹងចេញលក់លើទីផ្សារនាសប្ដាហ៍នេះ៕

អានអត្ថបទបន្ត៖ តំណាង Major Cineplex By Cellcard ស្វាគមន៍វត្តមាន “វិញ្ញាណលោកម្ចាស់ក្រញូង”

អានអត្ថបទបន្ត៖ អេនឌី ស្នើការគាំទ្រជាថ្មី ក្រោយប្រកាសចូលសម្ដែងវិញ

អានអត្ថបទបន្ត៖បវរកញ្ញាពិភពលោក ៤រូប ស្អាតនោះស្អាត តែមើលរូបពីមុនគឺថា …

អត្ថបទ៖ អ៊ីង សុឡា