តំណាង Major Cineplex By Cellcard ស្វាគមន៍វត្តមាន "វិញ្ញាណលោកម្ចាស់ក្រញូង"

2014-10-21 17:01:37
ចំនួនមតិ 0 | ចំនួនចែករំលែក 0

ចន្លោះមិនឃើញ

តំណាងរោងភាពយន្តលំដាប់អន្តរជាតិ Major Cineplex By Cellcard ស្វាគមន៍វត្តមានខ្សែភាពយន្តរឿង "វិញ្ញាណលោកម្ចាស់ក្រញូង" ដែលដាក់បញ្ចាំងថ្ងៃទី ២៣ ខែតុលា ខានស្អែកនេះតទៅ។

នាយកគ្រប់គ្រងរោងភាពយន្ត Major Cineplex By Cellcard លោក សៅ សុខនី និយាយថា៖ "យើងស្វាគមន៍រាល់ខ្សែភាពយន្តខ្មែរមកដាក់បញ្ចាំងទីនេះ ជាពិសេស វិញ្ញាណលោកម្ចាស់ក្រញូងតែម្ដង"។

លោក សៅ សុខនី ជឿជាក់ថា ខ្សែភាពយន្តខាងលើនឹងទទួលបានការចាប់អារម្មណ៍ច្រើនពីទស្សនិកជននៅពេលដាក់បញ្ចាំងថ្ងៃ ព្រហស្បតិ៍ ខានស្អែកនេះ។ ការរំពឹងអាចទាក់ទាញប្រិយមិត្ត និង មិត្តៗយុវវ័យចូលទស្សនាបាន ដោយលោកសម្អាងទៅលើកត្តាពីរយ៉ាង។

កត្តាទីមួយដោយសារភាពយន្តខ្មែរដាក់បញ្ចាំងតិចនៅរោងភាពយន្តរបស់លោក អំឡុងពេលនេះ។ កត្តាទីពីរ អតិថិជនមួយចំនួនជា អតិថិជនថ្មី ដោយសារផ្សារទំនើប AEON ។

ចំណុចមួយទៀតដែលអ្នកគ្រប់គ្រងរោងភាពយន្តខាងលើរំពឹងថា វិញ្ញាណលោកម្ចាស់ក្រញូងនឹងអាចស្រូបយកអ្នកគាំទ្របានច្រើន គឺខ្សែភាពយន្តនេះ ក្រៅតែពីមានភាពកំប្លែង គឺអប់រំឱ្យអ្នកទស្សនាចេះស្រលាញ់ការពារព្រៃឈើ។

ក្រៅតែពីការរំពឹងថា នឹងទទួលបានជោគជ័យអ្នកគ្រប់គ្រងរោងភាពយន្ត លោក សៅ សុខនី ក៏ស្នើឱ្យទស្សនិកជនជួយគាំទ្ររឿង "វិញ្ញាណលោកម្ចាស់ក្រញូង" ផងដែរ។ ប្រការនេះដើម្បីជួយលើកកម្ពស់វិស័យភាពយន្តខ្មែរឱ្យបោះជំហានទៅមុខដូចជាបណ្ដាប្រទេសមួយចំនួនក្នុងតំបន់។

រឿង "វិញ្ញាណលោកម្ចាស់ក្រញូង" ជាស្នាដៃរបស់អ្នកនិពន្ធល្បីឈ្មោះគឺអ្នកស្រី ពាន់ ភួងបុប្ផា។ ខ្សែភាពយន្តនេះ ចូលរួមសម្ដែងដោយតារាល្បីៗក្នុងប្រទេស កម្ពុជា ហើយនឹងដាក់បញ្ចាំងចាប់ពីថ្ងៃទី ២៣ ខែតុលា ខានស្អែកតទៅ ដោយមិនមានពេលកំណត់៕

អានអត្ថបទបន្ត៖ អ៊ុន សិទ្ធា ហូរឈាមស្រោចខ្លួនពេលថតរឿង “វិញ្ញាណលោកម្ចាស់គ្រញូង”

អានអត្ថបទបន្ត៖ ផលិតកររឿង “វិញ្ញាណលោកម្ចាស់គ្រញូង” គ្រោងផលិតរឿងខ្មាតធំនាំចូលទីផ្សារអន្តរជាតិដើមឆ្នាំ២០១៥!

អានអត្ថបទបន្ត៖មើល Trailer “វិញ្ញាណលោកម្ចាស់ក្រញូង” ត្រៀមនឹងបញ្ចាំងនៅ Major Cineplex By Cellcard!

អានអត្ថបទបន្ត៖“វិញ្ញាណលោកម្ចាស់គ្រញូង” មើលតែឈុតក្រៅឆាក ក៏ទំនងបាត់ហើយ!

អានអត្ថបន្តបន្ត៖ នេះ…! គឺភាពយន្តខ្មែរដំបូងគេ ដែលនិយាយអំពីទឹកភ្នែកឈើព្រៃ

អត្ថបទ៖ អ៊ីង សុឡា