កន្លែងទេសចរណ៍ក្រោមដីគួរឲ្យព្រឺក្បាល និងភ្ញាក់ផ្អើលក្នុងលោក
- 2015-12-31 20:53:20
- ចំនួនមតិ 0 | ចំនួនចែករំលែក 0
កន្លែងទេសចរណ៍ក្រោមដីគួរឲ្យព្រឺក្បាល និងភ្ញាក់ផ្អើលក្នុងលោក
ចន្លោះមិនឃើញ
កន្លែងទេសចរណ៍ប្លែកៗ គួរឲ្យចាប់អារម្មណ៍មានច្រើនណាស់នៅជុំវិញពិភពលោក ដែលអ្នកទេសចរ បានចំណាយពេល និងថវិកាជាច្រើន ដើម្បីបានទស្សនាទីកន្លែងនោះដែលមានដូចជាផ្សារបុរាណ សំណង់អគារខ្ពស់ៗ ព្រៃភ្នំ មាត់សមុទ្រ វាលខ្សាច់ បឹងទន្លេ ផ្នូរបុព្វបុរស ឬប្រាសាទបុរាណជាដើម។ ប៉ុន្តែពេលនេះអ្នកនឹងបានស្គាល់ទិសដៅទេសចរណ៍ក្រោមដីគួរឲ្យព្រឺក្បាល និងដ៏ស្រស់ស្អាតមិនគួរឲ្យជឿវិញម្ដង ដោយមានដូចជាឆ្អឹងសាកសព និងរូងប្រវត្តិសាស្ត្ររបស់មនុស្សជាតិនានា។
១. ផ្នូរបញ្ចុះសពអ្នករស់នៅទីក្រុងប៉ារីស ប្រទេសបារាំង ជាង ៦លាននាក់
ផ្នូរនៅទីនេះ ត្រូវបានគេតម្រៀបឆ្អឹងយ៉ាងមានសណ្ដាប់ធ្លាប់ជាជាន់ថ្នាក់ របស់មនុស្សជាង ៦លាននាក់ តាំងពីឆ្នាំ ១៧៨៥ ដល់ ១៨៦០ នៅពេលវាលកប់សពរបស់ក្រុងនេះពេញ។ ផ្លូវទៅកាន់ផ្នូរក្រោមដីនេះមានភាពងងឹត ចង្អៀត ហើយពាក់ព័ន្ធនឹងប្រវត្តិសាស្ត្រគួរឲ្យចាប់អារម្មណ៍។
២. ល្អាង Bounce Below នៅប្រទេសវែលខាងជើង
ឧទ្យានក្នុងល្អាងនេះមានទំហំធំជាងគេបំផុតក្នុងលោក និងមានសំណាញ់ប្រទាក់ក្រឡាគ្នាងាយស្រួលសម្រាប់ដើរទស្សនា។
៣. រណ្ដៅ Salina Turda នៅរ៉ូម៉ានី
រណ្ដៅទាំងនេះត្រូវបានមនុស្សនៅយុគសម័យ ជីកយកអំបិល ហើយបច្ចុប្បន្នជាឧទ្យានចាស់ជាងគេបំផុតក្នុងលោក និងដ៏ទាក់ទាញមួយ។ រណ្ដៅនេះមានជម្រៅ ១២០ម៉ែត្រពីផ្ទៃដី។
៤. រូងក្រោមដី Cu Chi នៅវៀតណាម
រូងនេះមានទីតាំងនៅចម្ងាយប្រមាណ ៣២គីឡូម៉ែត្រ ពីទីក្រុងហូជីមិញ ដែលបានកើតឡើងក្នុងសង្គ្រាមវៀតណាម ដែលទ័ពព្រៃវៀតកុង លាក់ខ្លួនពីសត្រូវអាមេរិក។ វាមានប្រវែងជាង ៣២០គីឡូម៉ែត្រ ហើយពួកកងទ័ពបានចាកចេញនៅ ១៩៥៥ និង ១៩៧៥។
៥. រូង Coober Pedy ភាគខាងត្បូងអូស្ត្រាលី
ទីនេះជាផ្ទះ និងកន្លែងរកស៊ីរបស់ប្រជាជនអូស្ត្រាលី ដែលមានមនុស្សរស់នៅជាង ៣៥០០នាក់ ។ ក្រៅពីនេះមានវិហារ សារមន្ទីរ វិចិត្រសាល ភោជនីយដ្ឋាន បារ និងសណ្ឋាគារសម្រាប់អ្នកដំណើរផង។
៦. រូង Salt Cathedral នៅកូឡុំប៊ី អាយុជាង ៥០០ឆ្នាំ
៧. រូង Wieliczka នៅប៉ូឡូញ
នៅទីនេះមានសាលជំនុំ ភោជនីយដ្ឋាន ហាង និងបន្ទប់ជាច្រើនទៀតដែលត្រូវបានឆ្លាក់ចេញថ្មប្រៃរឹងម្យ៉ាង។
៨. The Vaults ទីក្រុងឡុងដ៍ ប្រទេសអង់គ្លេស
រូងក្រោមដីទីនេះ សម្រាប់ទស្សនាការសម្ដែងសិល្បៈ មានរោងកុន កន្លែងវាយកូនហ្គោល និងសម្រាប់រៀបចំព្រឹត្តិការណ៍ពេលរាត្រី។ រោងកុន The Vaults មានកៅអីអង្គុយចំនួន ១៧៦ផងដែរ៕
ចុចអាន៖ អគារកម្ពស់៣០២ម៉ែត្រនៅចិន អាចឲ្យអ្នកពាក់ខ្សែថត Free Style លេងតាមចិត្ត
ប្រែសម្រួល៖ ឡេង ភារុណ ប្រភព៖ Dailymail