អង្គរវត្តឈ្នះការបោះឆ្នោត ក្លាយជាម្ចាស់ជយលាភី ArchaeoMadness 2014

2014-10-22 16:04:28
ចំនួនមតិ 0 | ចំនួនចែករំលែក 0

ចន្លោះមិនឃើញ

ជាមោទនភាពថ្មីមួយទៀតរបស់កម្ពុជាក្នុងខែតុលានេះ បន្ទាប់ពីប្រាសាទអង្គរវត្តបានក្លាយជាម្ចាស់ជយលាភី ArchaeoMadness2014 ក្នុងការបោះឆ្នោតដែលរៀបចំឡើងដោយវិទ្យាស្ថានបុរាណវត្ថុវិទ្យានៃសហរដ្ឋអាមេរិក។ ចំណាត់ថ្នាក់កំពូលគេនេះ មិនមែនជារឿងចៃដន្យទេ ព្រោះអង្គរវត្តកម្ពុជាបានឈ្នះសំឡេងឆ្នោតលើទីតាំងប្រវត្តិសាស្ត្រនានាដែលមានទាំងអស់ ៣១កន្លែងផ្សេងទៀត។

ការប្រកួតប្រជែងនេះ រៀបចំឡើងដូចការប្រកួតបាល់ទាត់ពិភពលោកដែរ ដោយមានទីតាំងប្រវត្តិសាស្ត្រទាំងអស់ ៣២កន្លែងត្រូវដាក់ផ្គូផ្គងគ្នាឲ្យបោះឆ្នោតតាមប្រព័ន្ធអ៊ីនធឺណិត។ តំបន់ដែលឈ្នះការបោះឆ្នោតជុំទីមួយនឹងឡើងទៅវគ្គជម្រុះបន្តទៀត និងជម្រុះបន្តបន្ទាប់រហូតរកឃើញតំបន់ឈ្នះចុងក្រោយ ជាម្ចាស់ជយលាភីទីតាំងប្រវត្តិសាស្ត្រល្អផ្ដាច់គេ ArchaeoMadness 2014។ ការបោះឆ្នោតត្រូវធ្វើឡើងតាមគេហទំព័រវិទ្យាស្ថានបុរាណវត្ថុវិទ្យានៃសហរដ្ឋអាមេរិក។

មុនឈានមកគ្រងតំណែងជាម្ចាស់ជយលាភី២០១៤ នេះ ប្រាសាទអង្គរវត្តបានយកឈ្នះសួនឧទ្យានប្រវត្តិសាស្ត្រ Chaco Canyon របស់សហរដ្ឋអាមេរិកក្នុងវគ្គ ៣២កន្លែង។ បន្ទាប់មកផ្ដួលតំបន់ប្រវត្តិសាស្ត្រ Machu Picchu របស់ប្រទេសប៉េរូក្នុងវគ្គ ១៦កន្លែង និងបន្តយកឈ្នះទីក្រុងបុរាណ Tikal របស់ប្រទេសហ្គាតេម៉ាឡា នៅវគ្គ ៨កន្លែងចុងក្រោយ។

វគ្គ ៣២កន្លែង អង្គរវត្តបានយកឈ្នះសួនឧទ្យានប្រវត្តិសាស្ត្រ Chaco Canyon សហរដ្ឋអាមេរិក

នៅវគ្គពាក់កណ្ដាលផ្ដាច់ព្រ័ត្រ អង្គរវត្តនៅតែបន្តជ័យជម្នះក្នុងការបោះឆ្នោតលើទីក្រុងបុរាណ Cahokia របស់សហរដ្ឋអាមេរិក និងចុងក្រោយយកឈ្នះតំបន់ប្រវត្តិសាស្ត្រ Caracol របស់សហរដ្ឋអាមេរិកទៀត ក្លាយជាតំបន់ប្រវត្តិសាស្ត្រលេខមួយក្នុងឆ្នាំ២០១៤ នេះ។

វគ្គ ១៦កន្លែង រហូតដល់វគ្គផ្តាច់ព្រ័ត្រ

ទោះជាការបោះឆ្នោតនេះរៀបចំឡើងក្រៅផ្លូវការមែន ប៉ុន្តែវាអាចសរបញ្ជាក់ឲ្យឃើញថាមនុស្សរាប់ពាន់នាក់បានស្គាល់ប្រាសាទអង្គរវត្តរបស់កម្ពុជា និងបោះឆ្នោតឲ្យសម្បត្តិបេតិកភណ្ឌនេះ ឈ្នះតំបន់ប្រវត្តិសាស្ត្រនានាជាច្រើនលើលោក៕

ចុចអាន៖ កំពូលមេដឹកនាំពិភពលោកណាខ្លះធ្លាប់មកទស្សនាអង្គរវត្ត?

ដោយ គង់ វិសាល

ប្រភព៖ archaeological.org

ពាក្យទាក់ទង

ព័ត៌មានសង្គមអន្តរជាតិ

អត្ថបទពេញនិយម

មិនចង់មានថ្ងៃនេះ! គ្រីសឌីវ៉ា បញ្ចប់ស្នេហាខំសាង៨ឆ្នាំជាមួយ Dj Alex ដោយត្រឹមពាក្យថាអរគុណ

ដឹងទីតាំងរៀបចំព្រះរាជពិធីច្រត់ព្រះនង្គ័ល ក្នុងខែឧសភា ឆ្នាំ២០២៤នេះហើយ

ផ្លូវជាតិលេខ៣១ បែកគុស-កំពង់ត្រាច នឹងសង់រួច១ឆ្នាំមុនកិច្ចសន្យា ក្នុងនោះការងារនឹងបញ្ចប់ត្រឹមដំណាច់ខែមិថុនាខាងមុខ

តើគួរជ្រើសរើសយករថយន្តភីកអាប់ ប្រើម៉ាស៊ីនម៉ាស៊ូត ឬប្រើម៉ាស៊ីនសាំង?

បង្ហាញមុខប្រធានសមាគមសិល្បករខ្មែរទាំង ៦ អាណត្តិ

បើឥន្ទ្រីពិឃាដឌូកត្រូវលក្ខខណ្ឌនេះលោក Li Jun នឹងពិចារណាឲ្យចូលក្រុមបាល់ទះលើក្ដារជម្រើសជាតិ

អត្ថបទថ្មី

អតីតគ្រូ Real Madrid រូបនេះនឹងមកជំនួស David Moyes ដឹកនាំ West Ham ក្នុងរដូវកាលក្រោយ

អាជ្ញាកណ្ដាលលីគកំពូលអង់គ្លេសនឹងពាក់កាមេរ៉ាក្នុងប្រកួតរវាង Man Utd និង Crystal Palace

Zidane ចង់ឲ្យ Real ឈ្នះ Bayern ក្នុងប្រកួត UCL វគ្គពាក់កណ្ដាលផ្ដាច់ព្រ័ត្រ

បុណ្យភ្នំ បានផ្ដល់តម្លៃជាប្រវត្ដិសាស្ដ្រថ្មីមួយទៀតសម្រាប់កម្ពុជា

សណ្ឋាគារ Raffles Hotel Le Royal ទទួលបានជោគជ័យក្នុងការរៀបចំកម្មវិធី CARNAVAL Night

មកដឹងប្រវត្តិស្មាត់ស្ដាំក្លឹបស្នងការ ចាន់ វាសនា មុនចូលក្រុមជម្រើសជាតិកម្ពុជា