សកម្មភាព តារាចូលរួមថតចម្រៀងត្រៀមព្រះរាជពិធីបុណ្យអុំទូក!

2014-10-22 17:14:29
ចំនួនមតិ 0 | ចំនួនចែករំលែក 0

ចន្លោះមិនឃើញ

ផលិតកម្ម សាន់ដេ ថតចម្រៀងត្រៀមព្រះរាជពិធីបុណ្យអុំទូក ម្សិលមិញនៅស្ថានីយទូរទស្សន៍ប៉ុស្ថិ៍លេខ៣។

ការផ្ដើមថតចម្រៀងឡើងវិញទាក់ទងនឹងប្រពៃណីអុំទូក ខណៈព្រះរាជពិធីមួយនេះ នឹងចាប់ផ្ដើមនៅដើមខែ វិច្ឆិកា ខាងមុខ ហើយក៏ខកខានដំណើរការជិត ៤ ឆ្នាំ មកហើយដែរ។ នេះបើតាមការឱ្យដឹងពី លោក ឡាយ សុកចំរើន ជាអ្នកចាត់ការទូទៅ។

សកម្មភាពតារាចូលរួុមថត MV សាន់ដេម្សិលមិញ

លោក ឡាយ សុកចំរើន និយាយថា បទចម្រៀងថតត្រៀមព្រះរាជពិធីបុណ្យអុំទូកនៅពេលនេះគឺសុទ្ធសឹងតែជាបទថ្មី ដែលផលិតកម្មរបស់លោកបានសម្រិតសម្រាំងឡើង។

តារាចម្រៀងល្បីៗក្នុងផលិតកម្មខាងលើបានចូលរួមថតដើម្បីអបអរព្រះរាជពិធីបុណ្យប្រពៃណីខ្មែរដ៏ល្អមួយនេះ។ តារាទាំងនេះមាន ដូចជា លោក ខេមរៈ សិរីមន្ត កញ្ញា សុខ ពិសី លោក ឆាយ វីរៈយុទ្ធ លោក នីកូ លោក សុខ រក្សា អ្នកនាង សុខ ស្រីនាង និង តារាជាច្រើនទៀតនៅក្នុងផលិតកម្ម។

ក្រៅតែពីតារាចម្រៀងរបស់ផលិតកម្ម សាន់ដេ នៅមានតារាសម្ដែងល្បីៗជាច្រើនក៏បានចូលរួមថតអបអរសាទរព្រះរាជពិធីខាងលើផងដែរ៕

ចង់ដឹងសកម្មភាពថតចម្រៀងត្រៀមព្រះរាជពិធីបុណ្យអុំទូករបស់ផលិតកម្មសាន់ដេ មានទិដ្ឋភាពបែបណា ទស្សនាអាល់ប៊ុមរូបថតខាងក្រោម។

អានអត្ថបទបន្ត៖Town ត្រៀមចម្រៀងជាង ២០ បទ ឱ្យ គូម៉ា ផ្ទុះលើទីផ្សារ!

អានអត្ថបទបន្ត៖រឿងធំៗកើតក្នុងវិស័យសិល្បៈខ្មែរនៅឆ្នាំ ២០១៤