កូរ៉េខាងជើង បង្កើតស្រាដែលផឹកហើយមិនស្រវឹង
- 2016-01-20 14:45:22
- ចំនួនមតិ 0 | ចំនួនចែករំលែក 0
កូរ៉េខាងជើង បង្កើតស្រាដែលផឹកហើយមិនស្រវឹង
ចន្លោះមិនឃើញ
អ្នកវិទ្យាសាស្ត្រប្រទេសកូរ៉េខាងជើង បានបង្ហាញឲ្យដឹងថា ពួកគេបានបង្កើត ស្រាដែលគ្មានជាតិស្រវឹងឡើង ។ នេះបើតាមការចុះផ្សាយរបស់សារព័ត៌មាន Pyongyang Times។
តាមសារព័ត៌មានរដ្ឋ កូរ៉េខាងជើង បានឲ្យដឹងថា " Suave " ជាស្រាចម្រាញ់ពី មើមយិនស៊ិន កូរ៉េ Kaesong Koryo Insam (៦ឆ្នាំ) និងផ្សំជាមួយអង្ករដំណើបជំនួសស្ករ ដែលជួយកម្ចាត់ភាពល្វីងពីយិនស៊ិន ផលិតតាមធម្មជាតិសុទ្ធ ធ្វើឲ្យគ្មានជាតិស្រវឹង។ ការទទួលទាន Suave តែបន្តិចក្រោយភ្ញាក់ពីគេង ធ្វើឲ្យមានកម្លាំង ស្វាងពីដំណេក។
តាមសារព័ត៌មានដដែលបានឲ្យដឹងទៀតថា ស្រាយិនស៊ិន ដែលរោងចក្រកូរ៉េខាងជើងTaedonggang Foodstuff ចំណាយពេលជាច្រើនឆ្នាំស្រាវជ្រាវនិងផលិតឡើងថ្មីៗនេះ បានឈ្នះមេដាយគុណថ្នាក់ជាតិ និងមានការសរសើរពីអ្នកជំនាញ និងអ្នកចូលចិត្តញ៉ាំស្រាផង។
ចំពោះស្រាយិនស៊ិន ខាងលើនោះក៏ត្រូវបានចុះក្នុងបញ្ជី វិទ្យាសាស្ត្រ និងបច្ចេកវិទ្យា ជាតិកូរ៉េខាងជើងផងដែរ។
គួរបញ្ជាក់ថា កាលពីឆ្នាំ២០១៥ កន្លងទៅ អ្នកវិទ្យាសាស្ត្រប្រទេសកូរ៉េខាងជើង ក៏បានបង្ហាញការរកឃើញរបស់ខ្លួន នូវវ៉ាក់សាំង ម្យ៉ាង Kumdang-2 ដែលតាមសេចក្តីរាយការណ៍ថា អាចព្យាបាល ជំងឺអេដស៍ ជំងឺ Mers អ៊ីបូឡា មហារីក និងការញៀនថ្នាំបានផងដែរ៕
ចុចអាន៖ ល្បិចផឹកស្រា មិនឲ្យស្រវឹង ឃើញថាមានប្រសិទ្ធភាព
ប្រែសម្រួល៖ មាន រតនា ប្រភព៖ CNN, newsweek
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
