Mahrez ជាប់ជាកីឡាករឆ្នើមប្រចាំឆ្នាំរបស់អាល់ហ្សេរី
- 2016-01-25 17:09:18
- ចំនួនមតិ 0 | ចំនួនចែករំលែក 0
Mahrez ជាប់ជាកីឡាករឆ្នើមប្រចាំឆ្នាំរបស់អាល់ហ្សេរី
ចន្លោះមិនឃើញ
Riyad Mahrez ត្រូវបានបោះឆ្នោតជាកីឡាករល្អប្រចាំឆ្នាំរបស់អាល់ហ្សេរី ក្រោយទទួលសំឡេងគាំទ្រឈ្នះប្រផុតប្រផើយលើ Yacine Brahimi មកពីក្លិប FC Porto។
ការបោះឆ្នោតត្រូវបានធ្វើឡើងដោយកីឡាករ និងអ្នកសារព័ត៌មានទាំងអស់នៅតំបន់អារ៉ាប់ ដែលរៀបចំដោយកាសែត Al Haddaf។ Mahrez ជាកម្លាំងមួយដ៏សំខាន់ដែលជួយ Leicester ហក់ទៅកាន់ កំពូលតារាង Premier League វិញ ក្រោយរកបាន១៣គ្រាប់ និងបញ្ជូនបាល់ឲ្យមិត្តរួមក្រុមស៊ុតបញ្ចូលទីបាន៧ដង ក្នុង២២ប្រកួត។
ខ្សែបម្រើស្លាបវ័យ២៤ឆ្នាំ គឺជាកីឡាករតែម្នាក់គត់ដែលមានមុខក្នុងពិធីប្រគល់ពាន ដែលត្រូវបានផ្ដល់ឲ្យដោយអតីតកីឡាករបាល់ទាត់អេហ្ស៊ីប លោក Mohamed Abou Trika។
Mahrez ទទួលបានសម្លេងគាំទ្រ ២៩,៥១% ឈ្នះ Brahimi ដែលមានសម្លេង ២៨,៨៤% មិនដល់១%ផង។ លេខ៣បានទៅលើកីឡាករ Islam Slimani មកពី Sporting មានសម្លេង ១៧,៣៨% ខណៈខ្សែការពារ Faouzi Ghoulam មកពី Napoli មានសម្លេង ១១,៥៦% ឈរនៅលេខ៤៕
ប្រែសម្រួល៖ រុន វីរ៉ុត ប្រភព៖ goal
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
