យុវជនស្នងការដ្ឋាននគរបាល ខេត្តព្រះសីហនុ A ជាជើងឯកតំបន់ខេត្តព្រះសីហនុ

2016-02-15 03:04:49
ចំនួនមតិ 0 | ចំនួនចែករំលែក 0

ចន្លោះមិនឃើញ

យុវជនស្នងការដ្ឋាននគរបាល ខេត្តព្រះសីហនុ A បានក្លាយជាជើងឯក Tiger Street Football Festival 2016 នៅតំបន់ខេត្តព្រះសីហនុបន្ទាប់ពីរប្រើរយៈពេលជម្រុះពីរថ្ងៃមកនេះ។ យុវជនស្នងការដ្ឋាននគរបាល ខេត្តព្រះសីហនុ A បានយកឈ្នះ ក្រុម VILLA VEDICI ដោយលទ្ធផលប្រផុតប្រផើយ ២-១ ក្រោយចប់រយៈពេល ២០ នាទី។ គ្រាប់បាល់ទាំងបីគ្រាប់របស់ក្រុមទាំងពីររកបាននៅតង់ទី១ ពោល តង់ទី២ មិនមានការស៊ុតបញ្ចូលទីណាមួយទៀតនោះឡើយ។ ចំណែក HURRICANE ជាប់ចំណាត់ថ្នាក់លេខ ៣ ក្រោយឈ្នះ កំពង់ផែរស្វ័យយ័ត A ដោយលទ្ធផល ៧-៦។ រីឯ ក្រុមចំណាត់ថ្នាក់លេខ ៥ គឺ VATANAKVICHEA SCHOOL (A) ។

សរុបមក ៥ក្រុមដែលរកឃើញនៅមណ្ឌលខេត្តព្រះសីហនុ ចុងសប្ដាហ៍នេះគឺ យុវជនស្នងការដ្ឋាននគរបាល ខេត្តព្រះសីហនុ A , VILLA VEDICI , HURRICANE , កំពង់ផែរស្វ័យយ័ត A និងVATANAKVICHEA SCHOOL (A) ។ ក្រុមទាំង ៥ នឹងទៅប្រកួតជុំផ្ដាច់ព្រ័ត្របន្តទៀតនាពេលខាងមុខក្នុងដំណើរឆ្ពោះទៅរកជើងឯកដែលមានប្រាក់រង្វាន់ ១ ម៉ឺន ដុល្លារអាមេរិក។

មុនបិទបញ្ចប់កម្មវិធីនាម៉ោង ៦ ល្ងាចនេះ មានការអញ្ជើញប្រគល់ប្រាក់រង្វាន់ដល់ជយលាភីលេខ១ ពីសំណាក់ លោក Roland Bala អគ្គនាយកក្រុមហ៊ុនស្រាបៀរថៃហ្គ័រ ប្រគល់ប្រាក់រង្វាន់ចំណាត់ថ្នាក់លេខ២ពីសំណាក់ ឯកឧត្តម ស្រ៊ុន ស្រ៊ន់ អភិបាលរងខេត្តព្រះសីហនុ និងជាប្រធានសហភាពសហព័ន្ធយុវជនកម្ពុជាប្រចាំខេត្តព្រះសីហនុ ប្រគល់ប្រាក់រង្វាន់ជូនចំណាត់ថ្នាក់លេខ៣ ដោយលោក Artem Zyabkin នាយកគ្រប់គ្រងផ្នែកពាណិជ្ជកម្មក្រុមហ៊ុនស្រាបៀរថៃហ្គ័រ និង ប្រគល់ប្រាក់រង្វាន់ដល់ចំណាត់ថ្នាក់លេខ៤ពីសំណាក់លោក ម៉ៃ តុលា អគ្គលេខាធិការរងនៃសហព័ន្ធកីឡាបាល់ទាត់កម្ពុជា។

គួររំលឹកថា វគ្គជម្រុះ Tiger Street Football Festival 2016 ជាបន្តនឹងធ្វើឡើងនៅទឹកដីខេត្តកំពង់ចាមនៅថ្ងៃទី ២០ – ២១ កុម្ភៈ ខាងមុខ។ ព័ត៌មានច្រើនទៀត ជុំវិញ Tiger Street Football Festival 2016 សូមចូលមកកាន់ Sabay៕

ចុចមើល ស្នាមញញឹម ឱក សុគន្ធកញ្ញា នៅខេត្តព្រះសីហនុ យប់មិញ