Tiger Street Football
ក្រោយវគ្គជម្រុះ Tiger Street Football Festival 2016 នៅមណ្ឌលភ្នំពេញរយៈពេលពីរថ្ងៃ ក្រុម OV MAL TRUE BRANDS អាចការពារជើងឯករបស់ខ្លួននៅមណ្ឌលនេះដោយយកឈ្នះ 3G FC ដោយលទ្ធផល ៣-១ នាវគ្គផ្ដាច់ព្រ័ត្រល្ងាចនេះនៅកោះពេជ្រ។ ការតាំងចិត្តខ្ពស់ពីខាងដើម របស់ OV MAL TRUE BRANDS ពិតជាធ្វើបានសម្រេចមែន។ ចំណែក Victory Youth ទទួលបានចំណាត់ថ្នាក់លេខ៣ បន្ទាប់ពីយកឈ្នះ Rolling FC A ដោយលទ្ធផល ៣-២ ទាំងប្រផុតប្រផើយ ព្រោះត្រូវលេងដកគ្នាសល់ត្រឹមពីរនាក់ទល់ពីរនាក់ប៉ុណ្ណោះ ពេលស្មើ ២-២ ចប់ទាំងពីរតង់។
ក្រុមការពារតំណែងជើងឯក Victory FC បានយកឈ្នះ B A United ដោយលទ្ធផល ២-០ ក្នុងការប្រកួតដំបូងនៃវគ្គជម្រុះ Tiger Street Football Festival 2016 នៅកោះពេជ្រ រសៀលនេះ។ នាប្រកួតទី២ ក្រុម Victory FC ត្រូវប៉ះ Black Eagle នៅវេលាម៉ោង ៨:១៥ នាទីព្រឹកថ្ងៃស្អែក។ មុនឡើងដល់ជុំទី២ Black Eagle បានយកឈ្នះ ឆ្មាដើរ អេហ្វស៊ី ដោយលទ្ធផល ៦-១ ព្រឹកនេះ។ ថ្វីបើប្រកួតទី១ របស់ក្រុមការពារតំណែងជើងឯក តែជាការប្រកួតទី២ របស់ ក្រុមជើងឯករងឆ្នាំចាស់ ពោល OV MAL TRUE BRANDS បានបន្តយកឈ្នះ Prek Leap ដោយលទ្ធផល ៧-០ នាវេលាម៉ោង ៧ កន្លះ ល្ងាចនេះ។ ការប្រកួតទី៣ របស់ OV MAL TRUE BRANDS គឺរឹតតែតឹងតែង ព្រោះថាក្រុម នេះប៉ះជើងឯកឆ្នាំ២០១៣ Anachak Baitong នាវេលាម៉ោង ១១ កន្លះព្រឹកស្អែក។ តើក្រុមណាធ្លាក់ ក្រុមណានៅរវាងជើងខ្លាំងទាំងពីរនេះ?
ក្រុម OV MAL TRUE BRANDS ដែលជាជើងឯករង Tiger Street Football Festival 2015 បានលត់ THUNDER UNITED ដោយលទ្ធផល ៩-០ ព្រឹកនេះ នៅកោះពេជ្រ ដើម្បីកក់កៅអីទៅវគ្គបន្ត។ ដូច្នេះម៉ោង ៧ កន្លះល្ងាចនេះ OV MAL TRUE BRANDS ត្រូវបន្តទៅប៉ះ Prek Leap ដែលយកឈ្នះ Black Eagle ដោយលទ្ធផល ៤-៣ កាលជុំទី១ដូចគ្នា។ ចំណែក Anachak Baitong ដែលជាជើងឯកទូទាំងប្រទេសឆ្នាំ ២០១៣ នោះ បានយកឈ្នះ Beggar FC ដោយលទ្ធផល ៤-២ ឡើងទៅជុំបន្ទាប់ដូចគ្នា។ ម៉ោង ៧:១៥ នាទីល្ងាចនេះ Anachak Baitong ឡើងទៅជួប MEMOT CROCODILE ដែលយកឈ្នះ MIS ៤-១ កាលជុំដំបូង។
នៅមណ្ឌលភ្នំពេញ វគ្គ Tiger Street Football Festival 2016 នឹងចាប់ផ្ដើមព្រឹកស្អែកទី ១១ មីនា និង ទី ១២ មីនា ខានស្អែក មុនប្រកួតជុំផ្ដាច់ព្រ័ត្រនៅថ្ងៃទី ១៣ មីនា ដែលមានការចូលរួមពី ៣២ ក្រុមក្នុង ៥ មណ្ឌលទូទាំងប្រទេស។ ក្រុម ការពារតំណែងជើងឯកទូទាំងប្រទេស VICTORY FC ត្រូវតតាំងនឹង BA United វេលាម៉ោង ១ កន្លះរសៀល។ ចំណែកជើងឯករង OV MAL TRUE BRANDS ត្រូវជួប THUNDER United នាវេលាម៉ោង ១០ព្រឹក មុនក្រុមលេខ៣ឆ្នាំចាស់ សម្ព័ន្ធ គ.ស.ន.ប.ក ប៉ះ CMU Mekong វេលាម៉ោង ១០:៣០ ព្រឹក។
បន្ទាប់ពី Tiger Street Football Festival 2016 បានបើកយុទ្ធនាការជម្រុះពី ៤ មណ្ឌលធំៗក្នុងប្រទេស និងរកឃើញក្រុមខ្លាំងតាមខេត្តរួចមក កម្មវិធីនឹងបន្តចម្រាញ់យក ១០ ក្រុមខ្លាំងក្នុងចំណោមជិត១០០ ក្រុមដែលដាក់ពាក្យនៅរាជធានីភ្នំពេញ។ ការចម្រាញ់ ១០ ក្រុមនេះនឹងធ្វើឡើងពីរថ្ងៃ ពោល ១១ និង ១២ មីនា ចុងសប្ដាហ៍នេះនៅមជ្ឈមណ្ឌលសន្និបាត និង ពិព័រណ៍កោះពេជ្រ។ ចំណែកជុំផ្ដាច់ព្រ័ត្រដែលមាន ៣២ ក្រុមប្រចាំមណ្ឌលទាំង៥នឹងធ្វើឡើងនៅថ្ងៃទី ១៣ មីនា ដើម្បីស្វែងរកក្រុមចំណាត់ថ្នាក់លេខ១ ដោយមានប្រាក់រង្វាន់រហូតដល់ ១ ម៉ឺនដុល្លារ។ តើ ១០ ក្រុមណានៅមណ្ឌលភ្នំពេញ?
FC Crown ដែលជើងឯករងនៃមណ្ឌលបាត់ដំបងកាលឆ្នាំមុន បានក្លាយជាជើងឯកឆ្នាំនេះក្នុងវគ្គជម្រុះ Tiger Street Football Festival 2016 ដោយបំបាក់ក្រុម B.M.S Club ក្នុងលទ្ធផល ៦-១ នាវគ្គផ្ដាច់ព្រ័ត្រល្ងាចនេះ។ មុនឡើងដល់វគ្គផ្ដាច់ព្រ័ត្រ FC Crown បានរុញឲ្យ ម្ចាស់ជើងឯកចាស់ ធនាគារស្រូវ ទៅទទួលចំណាត់ថ្នាក់លេខ៣វិញ ពេលឈ្នះ Fox Zone (B) ដោយលទ្ធផល ៤-៣។
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន អគារលេខ ៣០៨ មហាវិថីព្រះមុន្នីវង្ស សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
ទំនាក់ទំនង info@sabay.com 023 228 000