Victory Youth ស្នង Victory FC គ្រងជើងឯក Tiger Street Football Festival ឆ្នាំនេះ
- 2016-03-14 03:24:29
- ចំនួនមតិ 0 | ចំនួនចែករំលែក 0
Victory Youth ស្នង Victory FC គ្រងជើងឯក Tiger Street Football Festival ឆ្នាំនេះ
ចន្លោះមិនឃើញ
ថ្វីបើក្រុម Victory FC មិនអាចការពារតំណែងជើងឯករបស់ខ្លួនបាន ប៉ុន្តែ Victory Youth ជាអ្នកឡើងកាន់ជើងឯកទូទាំងប្រទេសជំនួសទៅវិញក្នុងកម្មវិធី Tiger Street Football Festival 2016 ក្រោយយកឈ្នះ OV MAL TRUE BRANDS ដោយលទ្ធផល ៣-១ នាវគ្គផ្ដាច់ព្រ័ត្រល្ងាចនេះ។ ដូច្នេះរុញច្រាន ឲ្យ OV MAL TRUE BRANDS ដែលជាជើងឯកមណ្ឌលភ្នំពេញពីរឆ្នាំជាប់គ្នា ក្លាយជាជើងឯករងទូទាំងប្រទេសពីរឆ្នាំជាប់គ្នាដដែលពោល ឆ្នាំ ២០១៥ និង ២០១៦ នេះ។
មុនឡើងប្រកួតវគ្គផ្ដាច់ព្រ័ត្រខាងលើ Victory Youth បានទម្លាក់ Rolling FC A ដោយលទ្ធផល ៣-១ ខណៈដែល OV MAL TRUE BRANDS ទម្លាក់ Villa VDC មកពីមណ្ឌលខេត្តព្រះសីហនុ ដោយលទ្ធផល ៧-១។ ចំណែក ចំណាត់ថ្នាក់លេខ ៣បានលើ Villa VDC ក្រោយយកឈ្នះ Rolling FC A ដោយលទ្ធផល ៣-១។
សកម្មភាពប្រកួតរវាង Victory Youth (ខៀវ) និង Ov Mal True Brands ( លឿង)
សូមរំលឹកបន្តិចថានេះជាឆ្នាំទី ៤ ហើយដែលក្រុមហ៊ុនស្រាបៀរ ថៃហ្គ័ររៀបចំព្រឹត្តិការណ៍ Tiger Street Football Festival ក្នុងគោលបំណងរួមចំណែកបំផុសចលនាកីឡាបាល់ទាត់ និង ធ្វើឲ្យយុវជនបង្ហាញបច្ចេកទេស និង សក្ដានុពលរបស់ខ្លួន។ ឆ្នាំ ២០១៦នេះមានក្រុមចូលរួមរហូតដល់ប្រមាណ ៣១០ ក្រុមទូទាំងប្រទេសមុនឈានដល់ជុំផ្ដាច់ព្រ័ត្រនេះនាថ្ងៃទី ១៣ មីនា ក្រោយជម្រុះតាម ៥ មណ្ឌលធំតាំងពាក់កណ្ដាលខែ កុម្ភៈ មក។ គួរបញ្ជាក់ថា ជើងឯកឆ្នាំ២០១៣ គឺ អាណាចក្របៃតង ជើងឯករង ក្រុម Green Youth និងលេខ Khmer Super Red ។ ជើងឯកឆ្នាំ២០១៤ ក្រុមដាញ៉ែល ជើងឯករង អាណាចក្របៃតង និង លេខ៣បានលើក្រុម Chalo FC។ ជើងឯកឆ្នាំ២០១៥ បានលើ VICTORY FC A ជើងឯករងក្រុម OV MAL TRUE BRANDS និង លេខ ៣ សម្ព័ន្ធ គ.ស.ន.ប.ក៕
ប្រាក់រង្វាន់ទូទាំងប្រទេសមានដូចខាងក្រោម៖
ក្នុងបិទបញ្ចប់ប្រគល់រង្វាន់ រួមមានឯកឧត្ដម គីម រិទ្ធី អនុប្រធានសហភាពសហព័ន្ធយុវជនកម្ពុជា លោក Artem Zyabkin នាយកគ្រប់គ្រងផ្នែកពាណិជ្ជកម្មក្រុមហ៊ុនស្រាបៀរថៃហ្គ័រ និង លោកស្រី សេនឌ្រៀន ឌឺការ៉ា ប្រធានផ្នែកទីផ្សារក្រុមហ៊ុនស្របៀរថៃហ្គ័រជាដើម។ -លេខ១ទទួលបាន ១០០០០ ដុល្លារ -លេខ២ទទួលបាន ៥០០០ ដុល្លារ -លេខ៣ទទួលបាន ២៥០០ ដុល្លារ -លេខ៤ទទួលបាន ១០០០ ដុល្លារ -អ្នកស៊ុតបញ្ចូលទីច្រើនជាងគេ ទទួលបាន ៥០០ ដុល្លារ -អ្នកចាំទីឆ្នើមទទួលបាន ៥០០ ដុល្លារ
អត្ថបទទាក់ទង Tiger Street Football Festival 2016 សូមចុចត្រង់នេះ...
អត្ថបទ៖ ស្រណោះ