តារាចម្រៀងជួរមុខផ្សារភ្ជាប់ Tiger Street Football Festival 2016 ទើបបញ្ចប់យប់មិញ

2016-03-14 18:17:01
ចំនួនមតិ 0 | ចំនួនចែករំលែក 0

ចន្លោះមិនឃើញ

Tiger Street Football Festival 2016 ត្រូវបានបញ្ចប់ត្រឹមយប់មិញថ្ងៃអាទិត្យទី ១៣ មីនា នៅមជ្ឈមណ្ឌលសន្និបាត និង ពិព័រណ៍កោះពេជ្រ បន្ទាប់ដំណើរការជម្រុះតាំងពីពាក់កណ្ដាលខែ កុម្ភៈ មក ដែលក្នុងនោះតារាចម្រៀងលំដាប់ជួរនៅកម្ពុជាដូចជា ឱក សុគន្ធកញ្ញ ខេមរៈ សិរីមន្ត ឆន សុវណ្ណរាជ ឆាយ វិរៈយុទ្ធ ខាន់ ជេមស៍ ខេម សុគន្ធ នីសា អ៊ី វ៉ា វ៉ាន់ នីឡា សុខ សីឡាលីន ណុប បាយ៉ារិទ្ធ សួស វីហ្សា ពេជ្រ សោភា ទេព បូព្រឹក្ស ប៊ុន សីហា និង នី រតនា ជាដើមសុទ្ធតែបានផ្សារភ្ជាប់ទៅសកម្មភាពប្រកួតកីឡាដ៏ធំមួយនេះ។

ថ្លែងស្រដៀងគ្នានៅលើឆាក ម្នាក់ៗសុទ្ធតែរីករាយក្នុងការចូលរួមនៃការប្រគំតន្ត្រីដែលរៀបចំឡើងដោយក្រុមហ៊ុន ស្រាបៀរថៃហ្គ័រឆ្នាំនេះ។ មួយវិញ តារាចម្រៀងទាំងអស់បានរួមចំណែកយ៉ាងផុសផុលចំពោះយុទ្ធនាការប្រកួតមិនថានៅតាមដូច ខេត្តព្រះសីហនុ កំពង់ចាម សៀមរាប បាត់ដំបង និង ភ្នំពេញប៉ុណ្ណោះទេ ប៉ុន្តែថែមទាំងជួយជំរុញ ឲ្យ យុវវ័យចូលរួមលេងកីឡាដើម្បីសុខភាព ដើម្បីចៀសឆ្ងាយពីការប្រព្រឹត្តអំពើសង្គមស្អប់ខ្ពើម និង វៀរចាកពីគ្រឿងញៀន។ មិនត្រឹមតែជាសារអប់រំដល់យុវជន តារាចម្រៀងមានកេរ្តិ៍ បោះសំឡេងទាំងអស់បានថ្លែងអំណរគុណដល់ក្រុមហ៊ុនស្រាបៀរថៃហ្គ័រ ដែលបានរៀបចំព្រឹត្តិ៍ដ៏អស្ចារ្យនេះ ហើយពួកគេបានលើកទឹកចិត្តឲ្យក្រុមហ៊ុនបន្តសកម្មភាពលើកស្ទួយកីឡាបាល់ទាត់នេះបន្ថែមទៀតនាឆ្នាំខាងមុខ។

នេះជាឆ្នាំទី ៤ ហើយដែលក្រុមហ៊ុនស្រាបៀរថៃហ្គ័រក្រោមការផ្ដល់ជំនួយបច្ចេកទេសពីសហព័ន្ធកីឡាបាល់ទាត់កម្ពុជា បានរៀបចំព្រឹត្តិការណ៍ Tiger Street Football Festival ឡើងក្នុងគោលបំណងបំផុសចលនាកីឡាបាល់ទាត់ និង ផ្ដល់ឱកាសឲ្យយុវជនបង្ហាញបច្ចេកទេស សមត្ថភាព រួមទាំងសក្ដានុពលរបស់ខ្លួន។ ឆ្នាំ ២០១៦នេះមានក្រុមចូលរួមរហូតដល់ប្រមាណ ៣១០ ក្រុមទូទាំងប្រទេសមុនឈានដល់ជុំផ្ដាច់ព្រ័ត្រនេះម្សិលមិញ។ លើសពីការប្រកួត ក្រុមហ៊ុនបានអញ្ជើញតារាលំដាប់ពិភពលោកមកចែករំលែកបទពិសោធន៍ដល់កីឡាករយុវជនកម្ពុជាទៀតផង។ ឆ្នាំនេះ ក្រុមហ៊ុនស្រាបៀរ ថៃហ្គ័រ បានអញ្ជើញ ជើងឯកលំដាប់ពិភពលោកផ្នែក Free Style ពីររូបមកចែករំលែកការលេងបាល់ Free Style គឺ Melody Donchet និង Moss Wassim៕